Спорт
Расплет во Манчестер, Рома брка гол негатива
Вечерва и утре ќе се одиграат последните осмина-финални натпревари во Лигата на шампионите. Вечерва Манчестер Јунајтед ќе ја пречека Севилја, а Рома ќе игра против Шахтјор.
Де Хеа го спаси Манчестер Јунајтед пред две недели на „Санчез Писхуан“. Само по…
Вечерва и утре ќе се одиграат последните осмина-финални натпревари во Лигата на шампионите. Вечерва Манчестер Јунајтед ќе ја пречека Севилја, а Рома ќе игра против Шахтјор.
Де Хеа го спаси Манчестер Јунајтед пред две недели на „Санчез Писхуан“. Само поради неговите одбрани Севилја не стекна предност и вечерва пресметката на „Олд Трафорд“ ќе почне од 0:0.
„Црвените ѓаволи“ се набилдани со самодоверба по победата во дербито против Ливерпул (2:1), што не може да се каже за Севилја, која по поразот од Валенсија (0:2) има минорни шанси да стигне до четвртата позиција во шпанската лига.
Проблем за Јунајтед ќе биде неиграњето на Пол Погба, па се очекува со играта на „црвените ѓаволи“ да диригираат Матиќ и Ерера.
„Оставривме важна победа против Ливерпул, самоовербата сега е на високо ниво и мора да продолжиме во овој ритам. Наредниот меч е веројатно најважен во сезоната, мораме да ја победиме Севилја“, рекол Матиќ.
„Веќе го архивиравме поразот од Валенсија, мислите ни се насочени кон овој меч. Дуелот на „Олд Трафорд“ може да биде историски за нас доколку се пласираме во четврт-финалето“, рекол тренерот на Севилја, Винченцо Монтела.
Инаку, менаџерот на Манчестер Јунајтед, Жозе Мурињо, победил на седум од осумте натпревари против Севилја во периодот кога го тренираше мадридски Реал.
Рома на „Олимпико“ ќе го пречека Шахтјор. Шампионот на Украина по првиот натпревар има предност од 2:1.
Еден гол може да и биде доволен на Рома за да се пласира меѓу најдобрите осум екипи во Европа. „Волчицата“ покрај со противникот ќе треба да се бори и против традицијата која вели дека Рома има пет пати во низа е елиминирана во нокаут фазата, во Лигата на шампионите.
„Можеби нема да ни ја дефинира сезоната, но дуелот со Шахтјор е исклучително значаен за нас. Мораме да гинеме на теренот и да се обидеме да победиме. Доколку успееме тогаш тоа ќе биде големо остварување за тимот и нашите навивачи“, истакнал фудбалерот на Рома, Алесандро Флоренци.
„Знам дека не очекува тежок меч. Можеме да ветиме дека ќе ја играме нашата игра на „Олимпико“. Доколку го следите украинскиот фудбал знаете што подразбирам под тоа. Сакаме да ја повотриме играта од второто полувреме, кога во целост ја надигравме Рома. Ова е одлична шанса да ги покажеме нашите можности“, рекол еден од Бразилците во Шахтјор, Марлос.
Натпреварите во Манчестер и Рим ќе започнат во 20:45 часот, а во истиот термин утре ќе се одиграат дуелите Барселона-Челси (1:1) и Бешикташ-Баерн Минхен (0:5).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Заминувам ако Алегри остане тренер“
Федерико Киеза (26) е подготвен да го напушти Јувентус. „Газета дело Спорт“, дури тврди дека италијанскиот репрезентативец им поставил ултиматум на клупските челници.
Енрико Киеза, сезонава не игра на вообичаеното ниво откако се опорави од тешката повреда.
Иако италијанскиот репрезентативец постигна скромни осум гола и две асистенции за неговите стандарди, Јувентус би сакал да го задржи, но се уште нема никаков напредок во преговорите.
Неговиот актуелен договор е до 2025 година, што значително го намалува просторот за маневрирање на клубот.
Киеза на лето би можел да влезе во последната година од договорот и тоа ќе биде последна шанса да клубот заработи од неговиот трансфер.
„Газета дело Спорт“, пишува дека Киеза својот потенцијален останок во клубот го условува со ултиматум. Италијанскиот весник пишува дека Киеза на затворен состанок јасно им кажал на клупските челници дека сигурно ќе го напушти клубот доколку Масимилијано Алегри остане тренер и во следната сезона.
Сериозен интерес за Киеза покажа Рома, односно нејзниот тренер Даниеле Де Роси, кој ќе ја доби довербата да го предводи тимот и наредната сезона.
Спорт
Барселона подготвува мегатрансфер, го продава Араухо за 100 милиони евра
Барселона е подготвена да го продаде Роналд Араухо (25), објави каталонски „Спорт“. Овој извор наведува дека Барселона мора да заработи од трансфери на играчи во летниот преоден рок за да избегне финансиски проблеми и да ги исполни критериумите од финансискиот фер-плеј.
Уругвајскиот дефанзивец е еден од фудбалерите кои имаат најголема пазарна вредност. Раководството на Барселона смета дека од неговиот трансфер би можеле да заработат повеќе од 100 милиони евра.
„Трансфермаркт“, неговата вредност ја проценува на 70 милиони евра, а неговиот договор со Барселона истекува во јуни 2026 година.
Барселона смета, тврди „Спорт“, дека во суперталентот Пау Кубарси (17), има квалитетна дефанзивна опција. Доколку би го продале Араухо, Барселона би се обидела да донесе слободен играч кој би му бил партнер на Кубарси.
Араухо ја започна својата кариера во уругвајските клубови Рентистас и Бостон Ривер. Во 2018 година Барселона го донесе за речиси пет милиони евра, а оттогаш забележа 147 настапи, постигна осум гола. Со Барселона има освоено три трофеи.
Спорт
Баер Леверкузен заинтересиран за фудбалер на Реал Мадрид
Баер Леверкузен има фантастична сезона. Избраниците на тренерот Чаби Алонсо ја освоија Бундеслигата и ставија крај на 11-годишната доминација на Баерн, тие се пласираа во финалето на германскиот куп, противник ќе им биде Кајзерслаутерн, а во Лига Европа, во полуфиналето за противник ја добија Рома.
Логично дека постои голем интерес за фудбалерите, кои под водство на Чаби Алонсо немаат пораз на 44 натпревари во сите конкуренции. Тоа значи дека во клубот веќе работат на потенцијалните засилувања.
„Билд“, пишува дека Баер е заинтересиран за Рафа Марин (21), шпански дефанзивец и репрезентативец до 21 година, кој е под договор со Реал Мадрид и оваа сезона е на позајмица во Алавес.
Марин, ги помина сите младински категории на Реал, додека оваа сезона забележа 31 настап како првиот тим на Алавес.
Пјеро Хинкапи и Џонатан Тах се дефанзивци без кои Алонсо би можел да остане и од чија продажба Баер би можел да заработи пари. Од друга страна, за Марин, клубот ќе треба да му плати обесштетување на Реал, бидејќи тој има валиден договор до летото 2026 година.
„Трансфермаркт“, неговата вредност ја проценува на пет милиони евра.