Спорт
Реал официјално го отпушти Лопетеги, Солари привремен тренер
Реал Мадрид и официјално го потврди тоа што сите го очекуваа – Хулен Лопетеги веќе не е тренер на „кралскиот клуб“, нешто повеќе од три месеци откако дојде на клупата на европскиот шампион, и привремено е заменет со Сантијаго Ернан Солари.
Поразот од 5…
Реал Мадрид и официјално го потврди тоа што сите го очекуваа – Хулен Лопетеги веќе не е тренер на „кралскиот клуб“, нешто повеќе од три месеци откако дојде на клупата на европскиот шампион, и привремено е заменет со Сантијаго Ернан Солари.
Поразот од 5:1 на „Ноу Камп“ од Барселона беше последната капка за управата на Реал и претседателот Флорентино Перез, по што реши да го смени Баскиецот со Солари, тренер на придружниот тим на Кастилја, исто како што Зинедин Зидан направи пред три години кога го замени Рафа Бенитез. Кризата каква што ретко се случува во Реал го примора клубот да направи промени, и Лопетеги е првата жртва.
Comunicado Oficial. #RealMadridhttps://t.co/zLNpJepnph
— Real Madrid C.F.⚽ (@realmadrid) October 29, 2018
Поразите од ЦСКА Москва, Алавес и Леванте во низа ја поткопа довербата во Лопетеги, кој дојде на клупата во јуни, кога беше отпуштен на два дена пред стартот на СП од позицијата селектор на Шпанија. Вината можеби не е целосно кај него, бидејќи требаше да го замени Зидан, кој имаше три титули од Европа во низа, но во тимот го немаше и Кристијано Роналдо, кој замина во Јувентус.
Клубот се обиде да ги донесе Маурицио Почетино од Тотенхем и Антонио Конте, но на крајот се реши за привремено решение – Солари, човекот кој својата кариера ја научи во Реал. Солари почна како тренер со Кадет Б тимот во 2013 и беше промовиран во А тимот во 2014 и во Јувенил Б во 2015. Во 2016 тој стана тренер на Кастилја, официјалниот Б-тим на Реал.
„Бордот на директори на Реал Мадрид на состанокот одлучи да го прекине договорот на Хулен Лопетеги за да се смени динамиката во првиот тим, и да се остварат целите од сезоната кои уште се можни. Има голема разлика од квалитетот на тимот, во кој има осум фудбалери номинирани за ’златната топка’ и резултатите кои ги покажуваме. Сантијаго Солари ќе ја започен работата уште од утре“, се вели во официјалното соопштение на Реал.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.