Спорт
Реал се врати на победите во Рим, Фелаини во 91. минута ги однесе Jунајтед во осминафинале (видео)
По катастрофалниот 3:0 пораз од Еибар во текот на викенд, Сантијаго Солари и Реал Мадрид се вратија на победите со 2:0 триумф на „Олимпико“ против слабата Рома, додека пат во осминафиналето „визираа“ и Баерн Минхен со висока победа над Бенфика, Манчест…
По катастрофалниот 3:0 пораз од Еибар во текот на викенд, Сантијаго Солари и Реал Мадрид се вратија на победите со 2:0 триумф на „Олимпико“ против слабата Рома, додека пат во осминафиналето „визираа“ и Баерн Минхен со висока победа над Бенфика, Манчестер сити и од групата Х, Јувентус и Манчестер јунајтед на најдраматичен можен начин.
Реал Мадрид и Рома веќе беа во осминафиналето откако во мечот од 19 часот Викторија го совлада тимот на ЦСКА Москва, така што во вечниот град се играше за чест. Победата на „кралевите“ беше обезбедена на почетокот на второто полувреме, кога Бејл во 47. минута и Лукас во 59. минута стрелаа за 2:0 триумф.
Баерн Минхен, уште еден голем клуб во криза, се врати на победите со импресивно 5:1 „демолирање“ на Бенфика, благодарение на двата прекрасни голови на Арјен Робен, на уште два гола на Роберт Левандовски и на голот на Франк Рибери во последните 15 минути од мечот.
Најинтересни резултати имаше во групата Ф – Хофенхајм се врати од 0:2 негатива за 2:2, но на крајот загуби со 2:3 од Шахтјор, додека Манчестер сити исто така се враќаше за 2:2 реми со Лион. Сити со овој поен е сигурно во осминафиналето, додека Лион ќе мора да обезбеди резултат против директниот ривал Шатхјор во последниот меч.
Во групата Х, пак, фантастичната асистенција на Кристијано Роналдо до Марио Манџукиќ беше доволна за 1:0 победа над Валенсија, која беше во игра за осминафинале до крајот на мечот, откако Манчестер јунајтед со гол во 91. минута на Маруан Фелаини успеа да слави со 1:0 над Јанг бојс и да ги елиминира од трката за осминафинале.
ЛИГА НА ШАМПИОНИ, 5.КОЛО
ГРУПА Е
АЕК Атина – Ајакс 0:2
Баерн Минхен – Бенфика 5:1
Табела: Баерн 13, Ајакс 11, Бенфика 4, АЕК 0
ГРУПА Ф
Хофенхајм – Шахтјор 2:3
Лион – Манчестер сити 2:2
Табела: Манчестер с. 10, Лион 7, Шахтјор 5, Хофенхајм 3
ГРУПА Г
ЦСКА Москва – Викторија Плзен 1:2
Рома – Реал Мадрид 0:2
Табела: Реал М. 12, Рома 9, Викторија 4, ЦСКА М 4
ГРУПА Х
Јувентус – Валенсија 1:0
Манчестер јунајтед – Јанг бојс 1:0
Табела: Јувентус 12, Манчестер ј. 10, Валенсија 5, Јанг бојс 1
РОМА – РЕАЛ МАДРИД
МАНЧЕСТЕР ЈУНАЈТЕД – ЈАНГ БОЈС
ЈУВЕНТУС – ВАЛЕНСИЈА
БАЕРН МИНХЕН – БЕНФИКА
ЛИОН – МАНЧЕСТЕР СИТИ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.