Спорт
Ред бул би можеле да се откажат од Ф1 за настап на Ле Ман
Ред бул рејсинг можат да решат целосно да ја напуштат Формула 1 за да се обидат во Светскиот ендуранс шампионат (ВЕЦ) покрај партнерот Астон Мартин доколку најавуваните промени за 2021 година од сопствениците „Либерти медија“ не им одговараат, вели сов…
Ред бул рејсинг можат да решат целосно да ја напуштат Формула 1 за да се обидат во Светскиот ендуранс шампионат (ВЕЦ) покрај партнерот Астон Мартин доколку најавуваните промени за 2021 година од сопствениците „Либерти медија“ не им одговараат, вели советникот на тимот, Хелмут Марко.
Во следните две сезони, Ред бул има склучено партнерство со Хонда по раскинот на долгогодишната соработка со Рено, но вкупната иднина на Ф1 по 2020 останува „мистериозна“. Шефот на „Либерти“, Чејс Кери не успеа да добие согласност од тимовите за нов Конкорд договор и акциите на Ф1 се во слободен пад.
„Имаме договор до 2020 година. Сѐ додека нема регулативи за моторите и Конкорд договор, ниту Ред бул, ниту Хонда, нема да направат одлука. Меѓутоа, ние сигурно нема да се ставиме во позиција да зависиме од некого, како во минатото кога ветувањата не беа исполните. Да се стопира е опција. Има други тркачки серии“, вели Марко.
Ред бул последните години работи со Астон Мартин на развој на тркачки автомобили, а на чело на проектот „Валкири“ е славниот инженер Адријан Њуи.
„Со Валкири, можеби Ле Ман е опција. Автомобилите се распродадоа веднаш, што за нас беше голем успех. Ако воведат ограничување на трошоците во Ф1, тогаш дел од вработените би можеле да одат на друг проект. Ќе видиме“, додава Австриецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Миовски избран во тимот на сезоната во Шкотска
Maкедонскиот репрезентативец Бојан Миовски доби награда за извонредите парти во Премиер лигата на Шкотска. Миовски е избран во идеалниот тим на сезоната.
Миовски го предводи нападот во формацијата 4-3-3 заедно со Лоренс Шанкленд од Хартс, Тио Бер од Мадервил.
🏆 PFA Scotland Premiership Team of the Year.
As voted by the players, here’s your selection for 23/24:
Jack Butland
James Tavernier
Cameron Carter-Vickers
Liam Scales
Owen BeckMatt O’Riley
John Lundstram
Callum McGregorBojan Miovski
Lawrence Shankland
Theo Bair… pic.twitter.com/FjQ5HNpQgm— PFA Scotland (@PFAScotland) April 20, 2024
Инаку, Миовски денеска постигна гол во полуфиналето на Купот против Селтик, но неговиот тим не успеа да се пласира во финалето.
Натпреварот заврши 3:3, а Селтик пебал-серијата ја доби со 6:5.
Bojan Miovski LOVES Hampden Park! 😍
A dream start for @AberdeenFC as they take the lead against Celtic 🔴#ScottishCup pic.twitter.com/ePvLHsIF81
— Premier Sports (@PremSportsTV) April 20, 2024
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.