Спорт
Рикјардо и „бикот“ со фантастична кинеска победа
Даниел Рикјардо е победник за Ред бул на Кинеското ГП, по една од најинтересните трки во последните пет-шест години во Формула 1, во која конечно имавме израмнета борба на три тима со многу претекнувања, инциденти и пресврти.
До шестата победа во карие…
Даниел Рикјардо е победник за Ред бул на Кинеското ГП, по една од најинтересните трки во последните пет-шест години во Формула 1, во која конечно имавме израмнета борба на три тима со многу претекнувања, инциденти и пресврти.
До шестата победа во кариерата Рикјардо стигна во фантастичниот втор дел од трката кога покажа дека Ред бул има одличен болид оваа година, поминувајќи ги со леснотија болидите на Ферари и Мерцедес. Австралиецот, кој уште го нема продолжено договорот со Ред бул за 2019, одлучувачкиот потег го направи на 10 круга пред крајот кога го помина Валтери Ботас во Мерцедес, кој стана лидер по подобрата стратегија со влегување во боксот во дуелот со Себастијан Фетел.
LAP 46/56: @danielricciardo TAKES THE LEAD! #ChineseGP ?? #F1 pic.twitter.com/cupKVZ3k56
— Formula 1 (@F1) April 15, 2018
Второто место го освои Ботас, а „честа“ на Ферари ја спаси Кими Раиконен со неочекувано трето место по судирот меѓу неговиот колега и освојувач на пол-позицијата Себастијан Фетел и „лудиот“ Макс Ферстапен, за кој Холанѓанецот беше казнет.
Ферстапен на крајот го освои четвртото место во трката, но по казната од 10 секунди завршува на петтото место зад шампионот Луис Хамилтон, додека во поени беа и Нико Хулкенберг во Рено, Фернандо Алонсо во Мекларен, Фетел на осмото место, Карлос Саинс Јуниор во второто Рено и Кевин Магнусен во Хас.
Фетел водеше од стартот и направи разлика од три секунди пред Ботас, по што Мерцедес го внесоа во боксот во 19-тиот круг. Ферари реагираа еден круг подоцна, но тоа беше грешка и Ботас го презеде водството.
Ботас и Фетел се бореа за водството во првата половина од трката, но одлуката на Ред бул да ги внесе Рикјардо и Ферстапен во боксот за свежи „меки“ гуми по излегувањето на безбедносното возило поради судирот на колегите од Торо росо, ја „сврте“ трката.
Додека ривалите беа на „средни“ гуми, Рикјардо во низа ги помина Ферстапен, Луис Хамилтон и Фетел, пред на шестата кривина да го „суреди“ и Валтери Ботас, кој до крајот на трката мораше да го брани второто место од Раиконен.
Verstappen is a joke, tired of he’s young etc. He is a professional F1 driver he knows the rules. He had a collision last weekend at #BahrainGP and does this at #ChineseGP ? pic.twitter.com/GVdkLrho1O
— Rambo (@WelshRamsey) April 15, 2018
Ферстапен од друга страна го „фати“ Фетел во 43. круг и се обиде да го претекне во кривината, и го удри возачот на Ферари и двајцата се извртеа. За ова тој доби казна од 10 секунди, но не застана и до крајот на трката го претекна и Хамилтон.
Фетел се мачеше по судирот и падна на осмото место откако Нико Хилкенберг и Фернадо Алонсо лесно го поминаа.
По три трки од сезоната, се наѕира крајот на доминацијата на Мерцедес, кои очигледно ќе имаат вистински ривали во Ред бул и во Ферари оваа сезона. Фетел останува лидер во генерален пласман со 54 поени, девет повеќе од Хамилтон, Ботас е трет со 40 поени, Рикјардо сега е четврти со 37 поени, додека Раиконен е петти со 30 поени.
INITIAL CLASSIFICATION (END OF RACE): Best #ChineseGP ever? #F1 pic.twitter.com/swi6LQExwh
— Formula 1 (@F1) April 15, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.
Спорт
Колку заработи Иванишевиќ од соработката со Ѓоковиќ?
Прекинот на соработката меѓу Новак Ѓоковиќ и Горан Иванишевиќ е топ тема кај регионалната спортска јавност.
Ниту една страна не ги откри точните причини за разделбата, освен што Ѓоковиќ изјави дека „достигнале точка на заситеност“.
Ѓоковиќ најверојатно пукна по лошиот почеток на сезоната во која се уште нема освоено трофеј, пред најважните турнири во годината, додека Хрватите пишуваат дека, без разлика на се, Иванишевиќ добро заработил од оваа соработка.
Соработката на ова дуо траеше речиси шест години, во кои Ѓоковиќ освои 12 грен слем титули.
Наводно, Ѓоковиќ му плаќал на Иванишевиќ од 6.000 до 10.000 евра неделно, односно легендарниот Хрват добивал 10 отсто премија од заработката на српскиот тенисер на турнирите.
Иванишевиќ заработил повеќе од 300.000 евра само од плата минатата година.
Ако ја земеме таа бројка како просечна заработка на Иванишевиќ за време на соработката со Ѓоковиќ и процентот од освоените турнири, Иванишевиќ во последните шест години како тренер на најдобриот тенисер во светот заработил помеѓу два и четири милиони евра.
Инаку, Иванишевиќ во кариерата како активен играч заработи околу 16 милиони евра. Кариерата во која освои еден грен слем (Вимблдон), Иванишевиќ ја заврши во 2011 година.
Спорт
Калафиори: Татко ми го презира Јувентус, а јас го почитувам татко ми
Јувентус бара нови играчи во одбраната, откако е извесно дека Бремер ќе се пресели во Манчестер јунајтед.
Еден од можните наследници на Бразилецот е фудбалерот на Болоња, 21-годишниот Рикардо Калафиори. Барем така сметаат во клубот, бидејќи фудбалерот не е ни најмалку импресиониран од интересот што за него го покажа славниот италијански клуб.
Играчот чија вредност според „Трансфермаркт“, скокна од пет милиони евра на 25 милиони евра од октомври минатата година е под договор со Болоња до летото 2027 година.
Калафиори вели дека сака да го испочитува договорот што го има со актуелниот клуб отколку да се пресели во Јувентус.
„За мене Јувентус би бил чекор назад во споредба со Болоња, клуб кој работи на вистински начин. Попрво би останал овде отколку да го облечам дресот на Јувентус. Татко ми го презира Јувентус, а јас го почитувам татко ми. Нема пари за кои јас би отишол таму“, изјави Калафиори.