Спорт
Руни: Газдите ме избркаа од Евертон
Најдобриот стрелец во историјата на англиската репрезентација, Вејн Руни открива дека сопственикот на Евертон, Фархад Мошири го „избркал“ од неговиот клуб од детството, по што тој најде „втор живот“ во Ди Си јунајтед во американската МЛС лига.
Руни се …
Најдобриот стрелец во историјата на англиската репрезентација, Вејн Руни открива дека сопственикот на Евертон, Фархад Мошири го „избркал“ од неговиот клуб од детството, по што тој најде „втор живот“ во Ди Си јунајтед во американската МЛС лига.
Руни се врати во Евертон во 2017 откако си замина од Манчестер јунајтед, но 32-годишниот ветеран одигра само една просечна сезона, по што се пресели во Вашингтон, каде што има четири гола и шест асистенции.
„Не беше лесно да се замине од Манчестер јунајтед. Но, таму не играв и тоа беше тешко, а Евертон беше совршено место за мене. Сакав да помогнам на мојот клуб од детството и да ги доближам до прва титула од 1995 година. Тоа беше мој сон од детството, но не се случи. Не се работеше за крај на кариерата во Евертон, туку обид да се крене мојот тим во првите шест. Мислам дека сопственикот реши дека не сум потребен. Сакаа да ослободат пари со мојот трансфер и преку весниците дознав дека Вашингтон се заинтересирани. Отидов кај Сем Алардајс и му кажав: ’Слушај, не сум дете, дали ме сакате тука?’. Да бидам фер кон него, тој беше единствениот искрен човек – ми кажа дека смета на мене и дека можеби нема да играм многу, но дека не е сигурен за газдата. Искрен одговор од газдата добив по три месеци. Но, имаше и позитивни работи – моите четири деца ме видоа како играм за Евертон. Постигнав гол против Ливерпул, го имав првиот хет-трик за Евертон. Но, си заминав тажен“, вели Руни во интервју за „Сандеј тајмс“.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.