Спорт
Руска лекција за Салах и Египет
Русија на чекор до пласман во осминафиналето на домашното Светско првенство, откако со 3:1 го совладаа Египет со Мо Салах во тимот покажувајќи дека 5:0 победата над Саудиска Арабија не била случајност.
Русите на стартот на шампионатот немаа многу голем…
Русија на чекор до пласман во осминафиналето на домашното Светско првенство, откако со 3:1 го совладаа Египет со Мо Салах во тимот покажувајќи дека 5:0 победата над Саудиска Арабија не била случајност.
Русите на стартот на шампионатот немаа многу голема доверба во својата репрезентација, со една желба да се помине во втората фаза, а по победата над Египет, останува уште пресметката со Уругвај, која ќе биде најсериозниот тест за тимот на Станислав Черчесов.
Египет несреќно загубија од Уругвај во првиот меч на Мундијалот без Салах во тимот, така што очекувањата беа големи на „Крестовски“ во Санкт Петербург, а во првото полувреме двата тима немаа многу шанси. Салах беше во најизгледната ситуација во финишот на полувремето, додека Русите постојано се обидуваа да му изградат добра шанса на Артем Ѕјуба без некој резултат.
Домаќините го почнаа второто полувреме со гол, откако по ударот на Зобнин од дваесетина метри, кој не одеше кон голот, домашниот дефанзивец Фати си постигнува автогол, уште еден на Мундијалот.
По ова следуваше вистинскиот шок за „фараоните“, откако за само три минути, Русите зголемија на 3:0, практично решавајќи го мечот. Во 59. минута, Самедов го наоѓа затрчаниот Черишев кој постигнува убав гол. Во 62. минута, Ѕјуба ја матира одбраната на Египет за убедливи 3:0.
Египќаните се обидоа да се вратат во игра и да постигнат почесен гол, и во 67. минута, Салах убаво го наоѓа Трезеге, кој од петнаесетина метри упатува удар кој поминува покрај дирекот. Салах, конечно, се запишува во листата на стрелците во 73. минута, кога е фаулиран на работ на шестнаесетникот, и по консултации со ВАР-системот, е сигурен против Акинфеев да намали на 3:1.
По ова, Египет сѐ фрли на нападот, но Русите беа сигурни во одбраната и се закануваа со брзи контранапади. Сепак, останува впечатокот дека аргентинскиот селектор на Египет, Ектор Купер можеше да игра малку похрабро во двата меча на Мундијалот. За Египет следува мечот против Саудиска Арабија, каде што ќе се обидат да стигнат до почесна победа.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.