Спорт
Салах се извини на Египќаните по кошмарниот Мундијал
Русија и Мундијалот, сепак, не беа среќно место за Мохамед Салах, иако тој ги постигна двата гола за неговата репрезентација.
Салах пристигна на СП со големи сомнежи околу неговата физичка подготвеност по повредата на рамото во дуел со Серхио Рамос во …
Русија и Мундијалот, сепак, не беа среќно место за Мохамед Салах, иако тој ги постигна двата гола за неговата репрезентација.
Салах пристигна на СП со големи сомнежи околу неговата физичка подготвеност по повредата на рамото во дуел со Серхио Рамос во финалето на Лигата на шампионите, кога Реал Мадрид ги совлада Ливерпул.
Тој не беше во составот при 1:0 поразот од Уругвај, пред да даде гол од пенал во 3:1 поразот од Русија, за на крај мизеријата на африканскиот тим да се зголеми во дуелот со Саудиска Арабија, каде што тие стигнаа до рано водство преку одличниот гол на напаѓачот на Ливерпул, пред азискиот тим да се врати за 2:1 победа во 90-тата минута.
Шпекулациите велеа дека последниот пораз предизвикал караница во соблекувалната по крајот на мечот, но Салах вети дека ќе се врати на Мундијалите и се извини на навивачите на Египет за големото разочарување.
„Сакам да се извинам на сите египетски фанови кои дојдоа да не поддржат на овие три меча, бидејќи знам дека е тешко за нив. Сакам да кажам дека стигнавме на Мундијал по 28 години, а некои фудбалери немаа доволно искуство. Но, благодарение на нив ќе се вратиме посилни во 2022 година“, изјави Салах.
Ова беше прво СП за „фараоните“ од 1990 година, и само трет Мундијал по тој во далечната 1934 година. Египет уште нема победа на голема сцена со 2 ремија и 5 порази.
Селекторот Ектор Купер ги отфрли шпекулациите дека Салах се откажува од египетскиот дрес по поразот од арапските ривали, но не знаеше зошто тој не се појави на прес-конференцијата.
„Не знам зошто Салах не е тука. Тој беше со докторот по мечот. Проблеми во тимот? Не знам што мислите, но јас не видов никакви проблеми. Не верувам дека Салах ќе се повлече, бидејќи е чест да се биде на Светско првенство“, изјави Купер.
Фото: ЕПА
Уругвајците ги вратија Русите во реалноста, Саудијците со шок за Салах и Египет (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Трипл-дабл на Јокиќ, Мареј погоди за победа со звукот на сирената
Денвер Нагетс го победија Лос Анџелес Лејкерс со 101:99. Џамал Мареј го погоди шутот за победа, со звукот на сирената.
Актуелните шампиони водат во серијата против ЛА Лејкерс со 2:0. За Денвер од е 10. последовна победа над „езерџиите“.
Неверојатна натпревар се одигра во „Бол арената“ во која Денвер Нагетс заостануваа од првата до последната минута, единствениот пат кога имаа предност беше конечниот резултат 101:99.
WHAT A BUCKET. THIS IS JAMAL MURRAY EVERYONE. 🏹 pic.twitter.com/xfihf0lXAe
— Denver Nuggets (@nuggets) April 23, 2024
Денвер губеше, со 15 разлика на полувреме и 20 разлика во третата четвртина, но успеа да се врати и да поведе со 2-0 во серијата.
Никола Јокиќ одигра брутален натпревар со 27 поени, 20 скока и 10 асистенции.
Мајкл Портер Јуниор мечот го заврши со 22 поени, а Мареј, кој до последните минути играше лошо, додаде 20 поени и шест асистенции.
Во поразениот тим Дејвис имаше учинок од 32 поени и 11 скока, а Леброн Џејмс 26 поени, осум скока и 12 асистенции.
Серијата сега се сели во Лос Анџелес за следните два натпревари.
Спорт
Капело: Роналдо знае се но не е гениј како Меси, Марадона, Пеле и дебелиот Роналдо
Тренерската легенда 77-годишниот Фабио Капело, дел од анализата на Ел Класико му посвети на тинејџерот Јамине Ламал.
Запрашан дали Јамал може еден ден да биде нешто слично како Лео Меси во Барселона, италијанскиот тренер многу јасно објасни како стојат работите.
„Го запознав Меси на Гампер купот и по 20-25 минути му пријдов на Рајкард и го замолив да ми го позајми таа сезона. Ламине беше генијален и тој е многу интересен фудбалер, но нема да биде гениј како Меси, Пеле и Марадона. Тие беа генијалци“, рече Капело и веднаш објасни зошто во оваа категорија го нема Кристијано Роналдо.
„Тој е одличен играч, освои многу трофеи, Златна топка, но како што реков претходно, тој не е голем како Меси. Роналдо е одличен стрелец и знае како да направи се, но тој не е гениј“, рече Капело.
И кога се чинеше дека Капело веќе ги дефинираше своите три најдобри фудбалски генијалци, Италијанецот повторно се огласи и го вклучи четвртиот член.
„Зборувајќи за генијалци, заборавив еден кој влегуваа во оваа категорија, дебелиот Роналдо“.
Спорт
(Видео) Интер го победи Милан и го освои 20. Скудето
Фудбалерите на Интер како гости го победија Милан со 2:1 во дербито „Дела Мадонина“. Со овој триумф Интер и математички ја обезбеди шампионската титула за сезоната 2023/2024. На пет кола до крајот на сезоната Интер има 17 бодови повеќе од Милан.
Интер вечерва ја освои 20 шампионска титула во клуската историја. Сега има една титула повеќе од Милан. Најмногу трофеи, вкупно 36 има Јувентус.
Интер во 33 кола загуби само еден меч (на домашен терен од Сасуоло), забележа 27 победи, Јан Зомер на 19 натпревари остана несовладан. Навистина нестварна сеозна за екипата на Симоне Инзаги.
Дербито го решија ветранот Ачерби во 18. и Тирам во 49.минута. Милан во 80.минута внесе неизвесност со голот на Томори.
Francesco Acerbi WIDE OPEN goal! Benjamin Pavard fantastic flick for the assist. 🇮🇹⚽️ pic.twitter.com/0vul58fiIx
— Inter Xtra (@Inter_Xtra) April 22, 2024
MARCUS THURAM, WHAT A PLAYER!
— F.C. InterData (@Fcinterdata) April 22, 2024
Самиот финиш на натпреварот донесе многу нервоза на теренот. Брзата реакција на фудбалерите на двата тима спречи тепачка меѓу Дамфрис и Тео Ернандез. Двајцата беа исклучени во 95.минута, а две минути подцна поради удрирање на притвнички играч црвен картон доби и капитенот на Милан, Калабрија.