Спорт
Сити не веруваат дека можат да го донесат Меси
Иако Манчестер сити има милиони евра достапни за трошење во било кој преоден рок, нивниот спортски директор Феран Соријано признава дека потписот на ѕвездата на Барселона, Лионел Меси не е во нивните планови.
Шпанецот веќе работеше со Меси додека беше …
Иако Манчестер сити има милиони евра достапни за трошење во било кој преоден рок, нивниот спортски директор Феран Соријано признава дека потписот на ѕвездата на Барселона, Лионел Меси не е во нивните планови.
Шпанецот веќе работеше со Меси додека беше потпретседател за финансии на Барселона од 2003 до 2008 година, и сега вели дека 30-годишниот Аргентинец ужива во животот во каталонската престолниан и тоа нема да се смени.
„Нема шанси да се потпише со Меси. Го знам него добро и целото негово семејство и знам дека им е добро во Барселона, каде што треба да биде. Ние ќе мораме да работиме без него, односно по потешкиот пат, бидејќи тој е најдобриот фудбалер во историјата на фудбалот. Тој смени сè и е вистински гениј“, вели Соријано во интервју за аргентинските медиуми.
Во Барселона, Соријано имаше шанса да се сретне и со Пеп Гвардиола, по што замина во Сити, во проектот на кралското семејство на Абу Даби, кое го направи Сити вистинска сила во европскиот фудбал.
„Гвардиола сака да работи и работи повеќе од другите, па затоа сметаат дека е гениј. Знае дека фудбалот е суров и дека моментот кога ќе се опуштиш, примаш четири гола. Целта во Сити е долгорочно планирање и мораме да ги направиме вистинските одлуки, дури иако тоа понекогаш не им се допаѓа на фановите“, додава Соријано.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Поранешниот селектор на Кина призна дека примил 10 милиони евра мито
Поранешниот селектор на фудбалска репрезентација на Кина, Ли Те, во случајот со пред судот, во процесот што се води против него, признал дека примил повеќе од 10 милиони евра мито.
Ле, кој ја водеше Кина од јануари 2020 до декември 2021 година е обвинет за давање и примање мито и учество во местење натпревари, се вели во соопштението за медиумите на провинцискиот суд во Хубеи.
Во текот на повеќемесечниот процес, Ле призна дека добил повеќе од 9,8 милиони евра во периодот од 2017 до 2021 година.
„Ли Те ја призна вината и изрази каење“, се вели во соопштението на судот и се додава дека пресудата ќе биде објавена подоцна.
Кинеските медиуми во вторникот објавија дека поранешниот претседател на кинеската фудбалска федерација Чен Џујуан, кој призна дека примал мито, е осуден на доживотен затвор.
Спорт
Хенес: Алонсо нема да дојде во Баерн ова лето
Почесниот претседател на Баерн, Ули Хенес изјави дека минимални се шансите тренерот на Баер Леверкузен, Чаби Алонсо на крајот на сезоната да го преземе клубот од Минхен.
Баерн пред нешто повеќе од еден месец објави дека тренерот Томас Тухел ќе ја заврши својата мисија во Минхен на крајот од сезоната.
„Точно е дека сакаме да потпишеме договор со Алонсо. Сепак, ќе биде многу тешко, да не речам невозможно“, изјави Хенес.
Алонсо го презеде тимот од Леверкузен во октомври 2022 година, а оваа сезона е вистински хит во Бундеслигата.
„Сигурен сум дека Алонсо ќе остане во Баер за да ја продолжи својата работа. Сега е тренер на клуб кој е блиску до освојување на титулата во Бундеслигата. Тој треба да му биде благодарен на клубот, но и клубот има за што да му заблагодари“, додаде Хенес.
Од 2014 до 2017 година, Алонсо играше за Баерн Минхен, каде што разви одлични односи со луѓето од клубот, меѓу кои и тогашниот претседател Ули Хенес, кој сега е доживотен почесен претседател.
Спорт
Димитров го растури Алкараз во Мајами
Григор Димитров го победи Карлос Алкараз со 6:2, 6:4 во четвртфиналето на Мастерсот во Мајами. Ова беше петти меѓусебен дуел на Бугаринот и Шпанецот и втора победа по ред за Димитров.
„Направи да се чувствувам како да имам 13 години“ – го опиша Карлос Алкараз поразот од Бугаринот
„Не се сеќавам некој да ме натерал да се чувствувам вака. Вакво нешто одамна не ми се случило. Не знаев што да правам. Барав решенија, но тој не ми даде. Почувствував неверојатна фрустрација.“
А 32-годишниот Димитров навистина одигра перфектно. Мечот го заврши со 24 винери.
„Генијалноста е често во едноставноста. Знаев дека морам да бидам поагресивен, да ги водам поените. Против него е многу тешко да се направи тоа“ – објасни Бугаринот како го победи шампионот на Индијан Велс.
Можеше и побрзо да победи бидејќи водеше со 4:1 во вториот сет, но потоа Алкараз успеа да врати еден брејк, но не успеа да се врати во мечот.