Спорт
Скопје ја помина Победа, Вардар, конечно, со триумф!
Скопје со 1:0 ја совлада Победа во директниот дуел во борбата за опстанок, за да ги помине прилепчани на табелата, шампионот Шкендија продолжи со рутински победи, а Вардар по три натпревари без победа, драматично славеше против Академија Пандев во 35. …
Скопје со 1:0 ја совлада Победа во директниот дуел во борбата за опстанок, за да ги помине прилепчани на табелата, шампионот Шкендија продолжи со рутински победи, а Вардар по три натпревари без победа, драматично славеше против Академија Пандев во 35. коло во Првата лига.
Со победата над Победа, Скопје се израмни на 35 поени со нив, но сега се на осмото место на табелата поради подобра гол разлика. Пелистер пропушти шанса да избие пред двете екипи, откако дома загуби со 0:2 од Шкупи.
Вардар одигра интересен натпревар со Академија Пандев, за да победи првпат по пет домашни натпревари на „Филип Втори“, благодарение на голот на Максимов во финишот на натпреварот. Струмичани поведоа со голот на Сашко Пандев на крајот на првото полувреме, пред прво Максимов и Барсегјан да направат пресврт за 15 минути во второто полувреме. „Академците“ израмнија преку Марков во 79. минута, пред Русинот да го постигне победничкиот гол.
Шампионите Шкендија пак, не знаат за пораз, откако со 3:0 ги „растурија“ Ренова во тетовското дерби.
Силекс и Работнички играа директен дуел за излез во Лигата на Европа преку третото место во шампионатот, меѓутоа мечот во Кратово заврши без голови, со што Работнички е трет со 49 поени, еден повеќе од Шкупи и два пред Силекс на едно коло пред крајот на шампионатот.
ПРВА ЛИГА, 35.КОЛО
Скопје – Победа 1:0
Пелистер – Шкупи 0:2
Ренова – Шкендија 0:3
Силекс – Работнички 0:0
Вардар – Академија Пандев 3:2
ТАБЕЛА: 1.Шкендија 88, 2.Вардар 56, 3.Работнички 49, 4.Шкупи 48, 5.Силекс 47, 6.Академија Пандев 42, 7.Ренова 41, 8.Скопје 35, 9.Победа 35, 10.Пелистер 34.
Фото: ФК Вардар
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.