Спорт
Славниот Тони Кукоч жртва на финансиска измама
Поранешниот играч од шампионската генерација на Чикаго Булс и член на „Куќата на славните“, Тони Кукоч, заедно со уште четворица играчи бил жртва на на измама од финансискиот „советник“ Паоло Банфи.
Кукоч, со години не може да открие како исчезнала неговата заштеда од „БСИ“ банката чие седиште е во Лугано. Инаку жртва на измамата на Банфи бил и генералниот секретар на Кошаркарскиот сојуз на Словенија, исто така поранешен кошаркар Радослав Нестеровиќ, но и уште тројца други неименувани играчи.
Кукоч го запознал Банфи уште во 90-те години од минатиот век додека бил играч на Бенетон од Тревизо, а пријатели овие двајца станале во времето кога Хрватот бил играч на Чикаго.
Банфи деновиве дал исказ пред судот во Лугано, а за хрватските медиуми Кукоч рекол дека не знае што им кажал измамникот на судиите.
„Не знам што кажал Банфи. Поради деликатноста на целиот случај не можам да давам изјава. Ќе ви кажам само дека покренав постапка и убеден сум дека парите ќе ми бидат вратени. Нанесена ми е голема штета. За среќа јас и семејството не сме егзистенцијално загрозени, но со оглед на тоа дека парите „крваво“ ги спечалив немам намера да се откажам“, рекол за „Јутарњи лист“, прославениот кошаркар.
Банфи на Кукоч му бил препорачан како доверлив и сигурен финансиски советник. Тој на Кукоч му предложил да префрли пари во банка во Швајцарија за да може да прави одредени финансиски трансакции.
Кукоч му ги препуштил работите и во 2004 година вложил пари во земјиште, во познатото зимувалиште Сент Мориц. Таму требало да биде изграден луксузен хотел.
Банфи му предложил на Кукоч да подигне кредит, а кошаркарот го послушал. Годините минувале, работите воопшто не напредувале, а парите биле извлекувани од сметката на Кукоч. Дури во 2012 година, кога видел дека соработката со Банфи станува кошмар, Кукоч решил да ангажира адвокати и да поднесе пријава против измамникот.
Банфи во 2015 година поради разни проневери минал осум месеци во притвор, а таа постапка се уште не била завршена. Во меѓувреме банката го запленила хотелот, кој бил под хпотека и го продала.
Наместо за 20 милиони швајцарски франци колку што го убедувале Кукоч дека е вредноста на недвижноста, хотелот кој не е изграден бил проценет на само пет милиони швајцарски франци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.