Спорт
Солскјер проговори за своите планови: Повторно да уживаме во фудбалот (видео)
Оле Гунар Солскјер во своето прво интервју откако стана преоден менаџер на Манчестер јунајтед вели дека првата цел му е фудбалерите на клубот повторно да уживаат во фудбалот, со што и навивачите ќе бидат задоволни.
Норвежанецот, кој е легенда на клубот…
Оле Гунар Солскјер во своето прво интервју откако стана преоден менаџер на Манчестер јунајтед вели дека првата цел му е фудбалерите на клубот повторно да уживаат во фудбалот, со што и навивачите ќе бидат задоволни.
Норвежанецот, кој е легенда на клубот, потпиша шестмесечен договор на позајмица од норвешкиот Молде по отказот на Жозе Мурињо во вторникот. По добро познатите конфликти на Мурињо со Пол Погба, Лук Шо, Ромелу Лукаку и други фудбалери, Солскјер вели дека прво мора да се подобри духот во тимот.
„Се чувствувам одлично, како да се вратив дома. Овие неколку дена беа хаотични, но беше одлично да се видат сите луѓе. Се работи за шест месеци и ќе се обидам да уживам во патот. Дома сум, и ќе бидам истиот човек. Знам дека клубот бара нов менаџер, така што јас ќе си ја вршам работата со Мик Фелан, Киеран Меккена и Мајкл Керик. Ќе ги натерам фудбалерите да уживаат во фудбалот и едвај чекам да ги видам фановите“, вели Солскјер.
Тој нема да има многу време за прилагодување, бидејќи Јунајтед ги очекуваат четири меча во 11 дена околу Божиќ и Нова Година.
„Имаме 23-24 фудбалери, кои се навистина квалитетни и кои ќе добијат шанса. Ќе имаат можност да покажат дека се вистински фудбалери за Манчестер јунајтед. Мораме да победуваме, бидејќи тоа е наша работа. Тоа што се случуваше, е во минатото. Сите почнмуваат од нула и сакам фудбалерите да го знаат тоа“, додава Солскјер.
Ole Gunnar Solskjaer: #MUFC caretaker manager ?
Watch the rest of Ole’s interview in our official app — download now for free: https://t.co/XN0xvwDZOO pic.twitter.com/egHH9dORpu
— Manchester United (@ManUtd) December 20, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Лунин го однесе Реал во полуфиналето – Европа ќе добие нов шампион
Реал Мадрид го елиминира европскиот првак Манчестер сити во четвртфиналето, во Лигата на шампионите. „Кралскиот клуб“, во Манчестер, го доби пенал рулетот со 4:3, откако во основниот дел и во дополнителните 30 минути натпреварот заврши 1:1. Херој на победата е голманот Луни кој во пенал серијата ги одбрани ударите на Бернардо Силва и Ковачиќ.
Четвртфиналниот реванш на „Етихад“ се движеше во еден смер. Сити напаѓаше во текот на целиот натпревар, Реал во најголемиот дел се бранеше во низок блок, на 20-25 метри од голот.
Намерата на Анчелоти беше јасна да се одбрани својот гол, а према напред да се бара шанса преку контранапади. И таквата определба му донесе гол од првата шанса. Во 12.минута Родриго од втора го совлада Едерсон.
Сити и покрај тоа што напаѓаше не успеа да створи многу чисти шанси. Во првиот дел најдобрата ја пропушти Халанд кога ја погоди гредата.
Притосокот на Сити вроди со плод во 76.минута, кога по ударот на Доку, Ридигер лошо реагираше, а одбиената топка во голот ја смести Де Брујне.
Реал во полуфиналето ќе игра против Баерн Минхен. Втората полуфинална двојка вчера ја формираа ПСЖ и Борусија Дортмунд.
Спорт
(Видео) Баерн преку Арсенал до полуфиналето во ЛШ
Баерн Минхен ќе игра во полуфиналето, во Лигата на шампионите, откако во реваншот го победи Арсенал со 1:0. Првиот натпревар на „Емирати“, во Лондон, заврши 2:2.
Важноста на натпреварот, иницираше тактичка брба од двете страни. Арсенал беа малку поофанзивни во привот дел, Баерн шансите ги бараше преку контранападите. Со исклучок на ударот на Мартинели во првото полувреме немаше ниту една шанса
Баерн беше тој кој прв се закани во вториот дел. Во еден напад два пати се тресеше рамката на голот на Арсенал. Најпрвин Горецка ја погоди гредата,а поттоа Гереиро биеше во стативата.
Арсенал имаа среќа во оваа ситуација, но среќата ги напушти во 64.минута кога центрашутот на Гереиро, Кимих од 11 метри со глава го совлада Раја.
До крајот Тухел со измените што ги направи добро ги затвори приодите кон голот на Ноер и Баерн успеа да ја одбрани победата.
Спорт
МЗТ влезе во полуфиналето во АБА2 лигата
Кошаркарите на МЗТ Скопје Аеродром изборија пласман во полуфиналето на плеј-офот, во АБА 2 лигата. МЗТ загуби од Широки со 70:68 и со +13 влезе во полуфиналето Првиот натпревар во Скопје заврши со победа на МЗТ со 85:69.
На гости кај Широки кошаркарите на МЗТ одиграа лошо прво и одлично втро полувреме. Широки во втората четвртина имаше предност од 15 поени, на полувреме таа изнесуваше 11. Првиот дел со тројка го заклучи Војдан Стојановски.
Во вториот дел играчите на МЗТ ја стигнаа предноста на Широки, имаа водство 65:64 на четири минути до крајот по што беше јасно кој ќе излезе како победник од овој двомеч.
МЗТ на овој натпревар го предводеше Делалиќ со 18 поени, четири скока и две украдени топки, браќата Стојановски постигнаа по 13 коша, имаа по три асистенции, Дамјан имаше осум, а Војдан три скока. Двоцифрен со 10 поени беше и Баковиќ.
МЗТ во полуфиналето ќе игра прптив Спартак.