Рафиња, Бразилецот од Барселона, привлекува големо внимание од бројни европски клубови.

Бразилецот конечно е стандарден во тимот на Чави, игра добро во последно време, постигна два од трите гола на гостувањето кај ПСЖ во првиот четвртфинален натпревар во Лигата на шампионите.

Како што пренесува каталонскиот весник „Спорт“, челниците на Барселона во последните денови ја одбиле понуда на неименуван клуб од Премиер лигата.

Клубот понудил 60 милиони евра, но Џоан Лапорта не сакал да разгледува понуди помали од 80 милиони евра.

Од Англија се верува дека најмногу се заинтересирани Манчестер јунајтед и Челзи.

Оваа сезона Рафиња за Барселона постигна вкупно осум гола на 30 натпревари во сите натпреварувања.

Лука Дончиќ ја доби наградата за најдобар стрелец во НБА во сезоната 2023/24, објавено е на официјалната веб-страница на натпреварувањето.

Словенецот зад себе има брилијантна сезона, се наоѓа во во потесниот круг за МВП наградата.

Дончиќ имаше просек од 33,9 поени по натпревар, најмногу во НБА. Тој шутираше 48,7 отсто од поле, 38,2 отсто од три и 78,6 отсто од линијата за слободни фрлања.

Дончиќ со 25 години е најмладиот добитник на оваа награда по Кевин Дурент во сезоната 2011/12.

Далас Маверикс завршија петти на Западот и во првата рунда од плеј-офот ќе играат со Лос Анџелес Клиперс.

THE YOUNGEST SCORING CHAMP IN 12 YEARS.

33.9 points per game for @luka7doncic! pic.twitter.com/p7rzPWZPDO

— NBA (@NBA) April 15, 2024

Ѕвездата на Манчестер сити, Кевин Де Брујне (32) го пофали соиграчот, офанзивниот играч за врска Фил Фоден (23). Во интервју за „Телефут“, Белгиецот вели дека „Фоден е еден од најголемите таленти со кои сум играл.

Фоден е производ на академијата на Сити, стандарден е во првиот тим кај Пеп Гвардиола, а во меѓувреме стана и репрезентативец на Англија.

„Тој може да испише историја на фудбалот во следните 15 години“, изјави Де Брујне.

Тековната сезона е најдобрата во кариерата на Фоден. На 45 натпревари постигна 22 гола и додаде десет асистенции, додека за клубот од Манчестер одигра вкупно 262 натпревари на кои постигна 82 голови и 51 асистенција.

„Трансфермаркт“, неговата вредност ја проценува на 130 милиони евра.

Ова не е прв пат Де Брујне да зборува за талентот на Фоден. Истото го направи и на почетокот на април по победата на Сити над Кристал Палас (4:2) во 32. коло од Премиер лигата.

“Фил беше неверојатен цела сезона. Фил и јас сме соиграчи седум години, така што повеќе не го гледам како млад човек, туку како искусен играч. Тој се докажа како суперѕвезда во нашиот тим. Тој е со нас долго време и едноставно е фантастичен”.