Спорт
Специјалната олимпијада Македонија на турнир во Русија
Специјална oлимпијада Македонија со фудбласки тим од десет атлети, лица со попреченост од ДСУ „Наум Охридски“ ќе ја претставува Македонија на Европскиот фудбалски турнир „7-a-side“, кој ќе се одржи во Ст. Петерсбург, Русија во периодот од 22. до 27. ап…
Специјалната oлимпијада Македонија со фудбласки тим од десет атлети, лица со попреченост од ДСУ „Наум Охридски“, ќе ја претставува Македонија на Европскиот фудбалски турнир 7-a-side, кој ќе се одржи во Санкт Петербург, Русија, во периодот од 22 до 27 април. Фудбалската федерација на Македонија (ФФМ) е еден од поддржувачите на атлетите од Специјалната олимијада Македонија.
На турнирот ќе учествуваат 16 тима од 12 земји, меѓу кои: Русија, Швајцарија, Казахстан, Црна Гора, Хрватска, Латвија, Летонија, Узбекистан, Словачка, Фарски Острови, Белорусија и Македонија.
– Од срце би сакал да ви се заблагодарам затоа што лесно ги препознавме нашите визии, вие сте квалитетни луѓе, знам колку енергија вложувате за да бидете подобри фудбалери и на секој начин каде што ФФМ може да помогне, ќе ви ја подадеме раката и ќе ви ја отвориме вратата. Ви посакувам многу успех и убаво дружење на турнирот во Русија – рече Филип Поповски, генерален секретар на ФФМ на денешната прес-конференција во Куќата на фудбалот.
Визијата на Специјалната олимпијада Македонија е преку заедничкиот јазик на спортот да охрабриме што повеќе луѓе со интелектуална попреченост да останат активни, да се вклучат во фудбалските активности како еден од најраспространетите спортови во Европа, понатамошен развој на фудбалот во Специјалната олимпијада Македонија, да се изградат нови пријателства кои ќе овозможат едно приемчиво и инклузивно општество.
– Екипата веќе подолго време се подготвува за овој настап и, пред сè, се надеваме на добро искуство, проширување на видиците и подигање на свеста на заедницата за фудбалските способности на нашите сограѓани – велат од Специјалната олимпијада Македонија.
Турнирот е во организација на Специјалната олимпијада Русија и Фудбалската унија на Русија, кои оваа година со поддршка на УЕФА првпат по 10 години се отворени за учество на тимови од цела Европа, кои ќе се натпреваруваат во комплексот „Зенит“.
извор: ffm.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.