Спорт
Стефан и Тара го гледаа Ѓоковиќ како го „гази“ Надал!
Со освојувањето на рекордната седма титула од Австралија опен, Новак Ѓоковиќ прати јасна порака до ривалите дека повторно е во своите најдобри тениски денови, нешто што го призна и поразениот во финалето Рафа Надал.
Шпанецот загуби за нешто повеќе од два часа игра на „Мелбурн парк“, а една статистика е неверојатна – во првиот сет освои само еден поен на сервис на Ѓоковиќ.
„Многу честитки за Новак и неговиот тим. Тој покажа неверојатно ниво на тенис овие две недели и мора да му се честита. Денеска тој беше подобар, но за мене овие две недели беа многу важни. Ќе продолжам да се борам“, вели Надал.
Ѓоковиќ со солзи во очите прво му честиташе на Надал за добриот турнир.
„Би сакал да му вратам на Рафа и да му честитам за овие две недели. Вечерва имаше тежок меч, но да не заборавиме дека тој се врати од повреда оваа година. Ти покажуваш на мене и на сите наши помлади колеги што е дефинција на посветеност и борбен дух. Сакам да го поздравам моето семејство, најмногу мојата сопруга и мојот син и мојата ќерка. Се надевам дека гледаа, барем така кажаа пред мечот. Трофеите се уште поспецијални кога имате со кого да ги споделите. Им благодарам за безграничната љубов и поддршка“, изјави Ѓоковиќ.
Дека семејството го гледаше Ѓоковиќ „докажа“ неговата сопруга Јелена, која на Твитер сподели фотографија со четиригодишниот Стефан и едногодишната Тара кои седат на столче и го гледаат тато со порака: „Праќаме љубов таму долу“.
Sending love all the way down under!!! ?❤️@DjokerNole @AustralianOpen #idemooo #NoleFam pic.twitter.com/3Pe6Ra9TJn
— Jelena Djokovic (@jelenadjokovic) January 27, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Првиот спринт во сезоната за Ферстапен, Хамилтон втор
Возачот на Ред Бул, Макс Ферстапен, триумфираше на првата спринт трка во сезоната, која се возеше како дел од Големата награда на Кина, петта трка од овогодинешниот шампионат во Формула 1.
Трикратниот светски шампион славеше со повеќе од 13 секунди предност пред Луис Хамилтон од Мерцедес, додека на третото скалило на подиумот се најде вториот возач на Ред Бул, Серхио Перез.
Од пол-позицијата стартуваше Ландо Норис во Мекларен, кој веднаш беше предизвикан од агресивниот Хамилтон, кој не му даде простор да остане во водство. И додека седумкратниот светски шампион го презеде водството, помладиот од двајцата Британци отиде широко и падна на седмото место, додека Хамилтон го следеа Алонсо и Ферстапен.
Бранителот на титулата најпрвин го стигна, а потоа во седмиот круг и го престигна Шпанецот, а два круга подоцна го презеде водството, откако Хамилтон практично не се бранеше, а потоа лесно се одлепи.
Возачот на Мерцедес исто така немаше конкуренција во борбата за второто место, но зад него се одвиваше голема борба за третата позиција. Алонсо најпрво беше предизвикан од Карлос Саинц Јуниор, но возачот на Астон Мартин се бранеше агресивно, што го искористи Перез и ги претекна двајцата.
Во еден момент дојде и до контакт меѓу двајцата Шпанци, поради што Алонсо мораше да се повлече од трката, а потоа дојде до борба меѓу Саинц и неговиот тимски колега Шарл Леклер.
На тој дуел имаше доста искри, а Леклер успеа да се снајде подобро и да стигне до четвртото место со две секунди зад Перез. Саинц беше три секунди поназад, пред Норис и Оскар Пјастри и Џорџ Расел во вториот Мерцедес, кој го освои последниот поен.
Во генералниот поредок сега води Ферстапен со 85 бодови, 15 повеќе од Перез, додека Леклер е трет со 64.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.