Спорт
Стоилов и Ристовски едногласни: Само што почнавме, одиме чекор по чекор
Стојанче Стоилов беше прогласен за играч на мечот во високата победа со која Македонија го стартуваше настапот на своето шесто Светско првенство, но тој предупреди дека не треба да се оди многу напред во плановите и дека треба да се остане смирен.
„Про…
Стојанче Стоилов беше прогласен за играч на мечот во високата победа со која Македонија го почна настапот на своето шесто Светско првенство, но тој предупреди дека не треба да се оди многу напред во плановите и дека треба да се остане смирен.
„Против Јапонија не се залетавме, така што одиме чекор по чекор, пред нас има многу натпревари со овој формат на првенството. Денеска беше важно да се победи и тоа го направивме, јас сум задоволен, иако има работи што мора да се поправат, посебно во одбраната. Во следниот меч против Бахреин сме фаворити, но потоа не сме фаворити до крајот. Треба да го минеме Бахреин со поддршка на дебитантите во тимот, за да бидеме свежи пред пресметката со Хрватска“, вели Стоилов.
И ветеранот на голот, Борко Ристовски, кој беше фантастичен со 20 одбрани против Јапонија, бара намалување на еуфоријата и претпазливост.
„Не беше лесно како што кажува резултатот. И претходно знаевме дека Јапонците се незгодни и брзи противници, што придонесе за проблеми во одбраната. До победата се дојде тешко, но ние сме задоволни. Имаме млад тим, ова е само прв натпревар на долгиот шампионат, така што ќе мораме да бидеме подготвени за Бахреин“, додава Ристовски.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.