Спорт
Стоилов: Никој не знае дали е во првиот тим на Вардар до почетокот на мечот
Стојанче Стоилов беше гостин на вечерната емисија на ЕХФ пред утрешните полуфиналиња во Лигата на шампиони, каде што зборуваше за неговата љубов кон кучињата, тактиката на Гонзалес, а реши и да не верува во суеверија и да го допре шампионскиот трофеј п…
Стојанче Стоилов беше гостин на вечерната емисија на ЕХФ пред утрешните полуфиналиња во Лигата на шампиони, каде што зборуваше за неговата љубов кон кучињата, тактиката на Гонзалес, а реши и да не верува во суеверија и да го допре шампионскиот трофеј пред да го освои.
Стоилов беше на интервју заедно со голманот на Монпелје, Винсен Жерар, и прва тема за која се фати се кучињата, кога советуваше дека „сите треба да имаат куче“.
Стоилов зборуваше и за подготовките кои ги имаат со тренерот Раул Гонзалес, откривајќи дека ниту еден од ракометарите на Вардар не знае дека е во стартниот состав сѐ до стартот на мечот.
„Кога ќе почнеме не ни зборува многу. Ги знаеме тактиките, кои се разработени веќе една недела, и само играме“, вели Стоилов.
Тој се потсети и на еден жесток дуел со голманот Жерар, но двајцата признаа дека тоа се случува во жарот на борбата на теренот.
Во другото полувреме на интервјуто со ирскиот ракометен новинар Том О Бранаг, беа и Доминик Клајн од Нант и Јеспер Нилсен од ПСЖ, со кои се фотографираа на крајот на емисијата. О Бранаг сфати дека другите ракометари не сакаат да го допрат трофејот кој беше пред нив, но посочи дека на Стојанче „не му е грижа за такви работи“.
Целото интервју можете да го погледнете на сајтот на ЕХФ, а делот со Стоилов може да го погледате од 36:20 на ЛИНКОТ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.