Спорт
Супер-сабота! Четири мундијалски меча, стартуваат Французите и Аргентинците
Ако уште не ве фатило „мундијалско фудбалско лудило“, денеска е совршен ден за тоа – на програмата има четири меча и практично цела сабота можете да ја поминете во гледање на врвен фудбал.
Програмата започнува на пладне, со првиот меч на Франција на Му…
Ако уште не ве фатило „мундијалско фудбалско лудило“, денеска е совршен ден за тоа – на програмата има четири меча и практично цела сабота можете да ја поминете во гледање на врвен фудбал.
Програмата започнува на пладне, со првиот меч на Франција на Мундијалот против незгодниот тим на Австралија, меч во кој тимот на Дидие Дешам ќе треба да ги тргне сите сомнежи во својот состав и да потврди дека е еден од фаворитите за титулата. Дешам нема поголеми проблеми со повредите, освен повредата на коленото на бекот Џибрил Сидибе, додека уште постои дилема со кого ќе тргне во нападот – Оливие Жиру, Килијан Мбапе, Усман Дембеле и Антоан Гризман.
Талентот кој го поседуваат „триколорите“ е несомнен, но последниот тест со САД помина само со тешко 1:1 реми, а Австралија ќе биде потежок противник. Тука е и сенката на последните два Мундијали кои стартуваа со пораз по што сите шанси за добар резултат беа минато.
Во 15 часот, уште еден тест, овојпат за Лионел Меси и Аргентина против најмалата нација на еден Мундијал, Исланд. Ситуација во која „сите“ велат дека на Меси му е потребна титула од Светското првенство за да биде најдобриот на сите времиња, а во која сите на Исланд се пресреќни што првпат се на еден Мундијал.
Подготовките за Аргентина не беа најдобри. Прво тука беа маките околу квалификациите, кои ги обезбеди токму Меси со хет-трик за победа над Еквадор во последното коло, а потоа дојде и неверојатниот 6:1 пораз од Шпаниај во пријателски меч. Сѐ освен убедлива победа над „рибарите“ ќе биде протолкувана како слаб старт на „албичелесте“.
Во 18 часот, уште една јужноамериканска репрезентација ќе стартува со Мундијалот. Перу е првпат на еден Мундијал од далечната 1982 година, и секако ќе бидат охрабрени од враќањето на нивниот капитен Паоло Гереро во тимот по долгата легална битка за настап по позитивниот тест на кокаин. Нападот на Перу го предводат 34-годишниот Гереро и 33-годишниот Џеферсон Фарфан, и фановите ќе очекуваат победа.
Франција е апсолутен фаворит во групата Ц, така што пресметката може да одреди кој ќе биде вториот патник во осминафиналето. Данска, пак е на „грбот“ на ѕвездата на Тотенхем, Кристијан Ериксен, кој постигна 11 голови во квалификациите, како и хет-трик во 5:1 победата над Република Ирска во ноември во баражот за ЕП.
На крајот на програмата во 21 часот во енклавата Калининград, стартуваат Хрватите со дуел со Нигерија, кој може да го одлучи патникот во осминафиналето во тешката група Д (каде што се и Аргентина и Исланд).
Хрватите досега само еднаш играле против африканска репрезентација на Мундијалите, во Бразил во 2014, кога постигнаа 4:0 победа над Камерун.
ДЕНЕСКА НА МУНДИЈАЛОТ
12.00, Казан, ФРАНЦИЈА – АВСТРАЛИЈА
15.00, Москва, АРГЕНТИНА – ИСЛАНД
18.00, Саранск, ПЕРУ – ДАНСКА
21.00, Калининград, ХРВАТСКА – НИГЕРИЈА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.