Спорт
ТдФ: „Динамото“ Саган со нова победа, Ван Авермет пак во жолто (видео)
Светскиот шампион Петер Саган стигна до својата втора победа на Тур де Франс оваа година, откако ја доби петтата етапа по 204.5 километри од Лорен до Кимпер, етапа во која првпат велосипедистите се судрија со ридест предел.
Словачкиот ас остана до трка…
Светскиот шампион Петер Саган стигна до својата втора победа на Тур де Франс оваа година, откако ја доби петтата етапа по 204.5 километри од Лорен до Кимпер, етапа во која првпат велосипедистите се судрија со ридест предел.
Словачкиот ас остана до тркалото на главните ривали во последното искачување, пред во спринтерски финиш да го совлада Италијанецот Сони Колбрели (Бахреин Мерида) и Белгиецот Филип Жилбер (Квик Степ). Саган (Бора-Хансгрое) со оваа победа се зацврсти на лидерската позиција во трката за зелената маичка уште еднаш покажувајќи зошто е трикратен светски шампион.
Шпанскиот ветеран Алехандро Валверде (Мовистар) и Французинот Жулиен Алафилип (Квик Степ) го комплетираа топ 5, додека лидерот во генерален пласман, Белгиецот Грег ван Авермет (Квик Степ) се задоволи со седмото место за уште еден ден да остане со жолтата маичка. Ван Авермет има две секунди предност пред американскиот колега Тиџеј ван Гардерен, додека Жилбер е трет со три секунди послабо време.
Етапата се состоеше од неколку искачувања во Бретања, кои беа доволни „чистите“ спринтери како Марк Кевендиш, Андре Грајпел, Марсел Кител и победникот на две етапи досега, Фернандо Гавирија да останат далеку зад фаворитите. 28-годишниот Саган од друга страна, нема проблем и со ридови и стигна до својата 10. победа во кариерата на Тур де Франс.
Актуелниот шампион Крис Фрум (Тим Скај) и фаворитите како Роман Барде (АГ2Р), Винченцо Нибали (Бахреин Мерида), Наиро Квинтана (Мовистар), Ричи Порти (БМЦ) и Том Думулин (Тим Санвеб) останаа во главната група.
? Final Sprint – Stage 5 ?
Let’s watch the sprint again! ? Sagan perfectly in control ?
Le sprint à la loupe ! ?Sagan en plein contrôle ?@WeLoveCyclingFR #TDF2018 pic.twitter.com/8uAfTmNJIr— Le Tour de France (@LeTour) July 11, 2018
Une échappée à 4, @chava_sylvain qui le tente en solo et un @petosagan encore trop fort ?♂️
➡ Le résumé de l’étape 5 en une minute! #TDF2018 pic.twitter.com/RhVtifeCuM— Le Tour de France (@LeTour) July 11, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.