Спорт
Тренерите бараат укинување на правилото „гол во гости“
Дел од врвните европски фудбалски тренери побараа европската федерација (УЕФА) да го разгледа користењето на правилото „гол во гости“ во континенталните натпреварувања, бидејќи постигнувањето голови на гости веќе не е толку тешко како во минатото.
Во е…
Дел од врвните европски фудбалски тренери побараа европската федерација (УЕФА) да го разгледа користењето на правилото „гол во гости“ во континенталните натпреварувања, бидејќи постигнувањето голови на гости веќе не е толку тешко како во минатото.
Во европските купови и во натпреварувањата на репрезентациите, како баражите за квалификација на СП и ЕП, доколку има израмнет резултат по двата натпревари, прво се разгледува правилото „гол на гости“, односно тимот кој има постигнато повеќе голови на гостински терен оди понатаму.
Заменикот генерален секретар на УЕФА, Џорџо Маркети потврди дека федерацијата ќе „отвори дискусија“ откако на големиот годишен состанок ова го побараа тренери како Масимилијано Алегри (Јувентус), Карло Анчелоти (Наполи), Унаи Емери (Арсенал), Пауло Фонсека (Шахтјор), Хулен Лопетеги (Реал Мадрид), Жозе Мурињо (Манчестер јунајтед), Томас Тухел (ПСЖ) и поранешниот долгогодишен менаџер на Арсенал, Арсен Венгер.
„Тренерите исто така сакаат преодниот рок да завршува насекаде во исто време. Околу голот во гости, тие велат дека постигнувањето голови на гостински терен не е толку тешко како во минатото“, изјави Маркети.
Правилото „гол во гости“ беше првпат воведено во поранешниот Куп на победници на купови во 1965 година, како алтернатива на фрлање паричка или играње на повторен натпревар на неутрален терен. Тогаш, играњето во европските купови дефинитивно беше поголем предизвик од сега – со послаби форми на транспорт, непознати странски терени, нешто што сега е рутина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.
Спорт
Ларкин од еден се сели во друг крај на Истанбул
Шејн Ларкин е еден од кошаракрите чии договор истекува на крајот од сезоната.
Американецот, пет сезони го носи дресот на Ефес. Со овој клуб освои две титули во Евролигата.
Ларкин ја има најголемата плата во Евролигата. Годишно тој заработува четири милиони евра.
Прашање е дали Ефес ќе му понуди нов договор на 31-годишниот Американец.
Наводно, целата ситуација внимателно ја следат од другиот крај на Истанбул. Фенербахче е заинтересиран да го донесе Ларкин од наредната сезона.
Фенербахче не е единствениот клуб кој покажува интерес за Ларкин, но според медиумите води во трката за неговиот потпис.
Оваа сезона Ларкин има 17 поени по натпревар, 5,2 асистенции, три скока и 1,1 украдена топка.