Спорт
Тухел до новинар: Не сме во кафеана
Тренерот на ПСЖ, Томас Тухел, влегол во расправија со еден новинар, на прес конференцијата по натпреварот со Наполи (2:2) во Лигата на шампионите.
Пред дуелот со Наполи, германскиот тренер изјавил дека фактот што ПСЖ е богат клуб не го прави тимот фаво…
Тренерот на ПСЖ, Томас Тухел, влегол во расправија со еден новинар на прес-конференцијата по натпреварот со Наполи (2:2) во Лигата на шампионите.
Пред дуелот со Наполи германскиот тренер изјавил дека фактот што ПСЖ е богат клуб не го прави тимот фаворит против италијанскиот претставник.
По натпреварот, на Тухел му било поставено истото прашање, што предизвикало нервозна реакција.
„Веќе ви кажав. Во вторникот ми кажавте дека сме фаворити, а јас ви реков дека не сме. Молам? Морате да ми верувате дека е тоа така“.
Меѓутоа, новинарот продолжил: „Но, што да правиме со неколкуте стотина милиони евра што ги вложивте за да ја освоите Лигата на шампионите, малку е чудно да речете дека не сте фаворити?“
„Во ред, тоа се вашите аргументи… Но, нашиот разговор е малку чуден. Па не сме во кафеана“, рекол Тухел и дополнил: „Ми поставивте прашање, ви го дадов моето мислење, а вие тоа мислење морате да го прифатите како мое, нели?“
ПСЖ, по три кола во Ц-групата, има четири бода, еден помалку од Наполи и два од Ливерпул. За две недели, во четвртото коло, ПСЖ ќе гостува кај Наполи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.
Спорт
Помошникот на Артета ќе го преземе Феенорд?
Челниците на Феенорд се свесни дека тренерот Арне Слот ќе го напушти клубот во летниот преоден рок.
Англиските медиуми пренесуваат дека тој ќе го наследи Јирген Клоп во Ливерпул. Овие извири тврдат дека двете страни се блиску до конечен договор.
Ливерпул ќе треба да му плати на Феенорд десет милиони евра како обештетување, бидејќи Слот има уште две години од договорот со клубот од Ротердам.
Замената за Слот, како што пишува холандскиот весник „АД“, Феенорд ќе ја донесе од Арсенал. Според овој извор, нов тренер на Феенорд ќе биде асистентот на Микел Артета во Арсенал, Алберт Стуивенберг (54).
Стуиенберг, работел во јуниорските категории на Феенорд, потоа во Англија му беше помошник на Луис ван Гал во Манчестер Јунајтед.
Тој е со Артета во Арсенал од 2019 година, а доколку биде ангажиран во Феенорд, тоа би му била прва самостојна работа.
Спорт
Удинезе и Рома го завршија прекинатиот натпревар, славеа гостите
Фудбалерите на Удинезе и Рома го завршија прекинатиот натпревар од 32. коло во италијанската Серија А. Гостите од Рим славеа со гол во судиското надополнување со 1:2.
Натпреварот кој се играше на 14 април беше прекинат во 72. минута, откако дефанзивецот на Рома, Еван Ендика колабираше на теренот. Вечерва се одиграа преостанатите 18 минути.
Од 72.минута дуелот продолжи со резултат 1:1. Рома забележа значајна победа со голот на Брајан Кристанте во судиското надополнување, на асистенција на Пауло Дибала.
На двете екипи им беа неопходни бодови, Удинезе бидејќи се бори за опстанок, Рома е во трака за место Лигата на шампионите. Рома е петта на табелата со 58 бодови, четири помалку од Болоња на четвртото место. Удинезе е на 17. место со 28 бодови, колку шт има и Фросиноне.