Спорт
УЕФА незадоволна: Интер не го следел протоколот за анти-расизам
Европската фудбалска „куќа“ (УЕФА) вели дека е загрижена од однесувањето на Интер по расистичките навреди кон дефанзивецот на Наполи, Калиду Кулибали, оценувајќи дека тие не го следеле протоколот на УЕФА за вакво однесување.
Иако преку системот за озву…
Европската фудбалска „куќа“ (УЕФА) вели дека е загрижена од однесувањето на Интер по расистичките навреди кон дефанзивецот на Наполи, Калиду Кулибали, оценувајќи дека тие не го следеле протоколот на УЕФА за вакво однесување.
Иако преку системот за озвучување фановите трипати беа предупредувани да сопрат со мајмунските извици кон Кулибали, тоа не донесе резултат, а според протоколот на УЕФА, мечот требаше да биде прекинат во тој момент, но тоа не се случи.
Тренерот на Наполи, Карло Анчелоти лут го посочи ова на прес-конференцијата по мечот.
„Имаше чудна атмосфера и ние трипати побаравме мечот да биде прекинат по објавата на системот. Но, мечот продолжи. Можеби следниот пат треба да прекинеме сами, но можеби ќе загубиме поени“, изјави Анчелоти.
BREAKING: Joint statement from @FIFPro and @UEFAcom on #racism against @kkoulibaly26 in @inter–@sscnapoli clash and apparent failure in @SerieA_TIM match protocol.
Details here: https://t.co/eCbMnrdUQQ pic.twitter.com/HuK5AOwUk4
— FIFPro (@FIFPro) December 28, 2018
УЕФА, во заедничка изјава со асоцијацијата на фудбалери ФИФПро, се согласува со Анчелоти.
„ФИФПро и УЕФА се многу загрижени за овој неприфатлив расистички инцидент при кој не се практикуваше протоколот од три чекори на УЕФА. Кулибали, француско-сенегалскиот дефанзивец, беше мета на расистички извици и покрај предупредувањата преку системот за озвучување, а тренерскиот тим на Наполи го извести судијата неколку пати. Овие постапки се неприфатливи и немаат место во фудбалот“, се вели во известувањето на УЕФА.
Интер ќе одигра два натпревари без публика како резултат на инцидентот, казна која УЕФА ја поздрави.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Капитенот на Реал го напушта клубот на крајот од сезоната
На капитенот на Реал, Начо Фернандез (34) му истекува договорот на крајот од сезоната. „Марка“ објави дека Начо го известил Флорентино Перез дека нема да потпише нов договор туку дека ќе го напушти клубот по истекот на постоечкиот.
Начо оваа сезона забележа 36 настапи и главно беше стартер, акумулирајќи 2497 минути на теренот. Сепак, тоа се должи на повредите на Давид Алаба, Едер Милитао и Антонио Ридигер.
Анчелоти претходно изјави дека случајот на Начо е идентичен со оној на Лука Модриќ и Тони Крос. Поточно, тој му порачал дека доколку како клупска легенда сака да потпише нов договор и да остане во Реал, може да го стори тоа. Очигледно тој решил поинаку.
Начо целата своја кариера е во Реал, со клубот освои 24 трофеи и одигра вкупно 348 натпревари, на кои постигна 16 гола, иако никогаш не беше прво име на одбраната.
Начо има 24 настапи и за шпанската репрезентација со која лани ја освои Лигата на нации. „Трансфермаркт“ неговата вредност ја проценува на пет милиони евра.
Според медиумите, Начо, кариерата ќе ја продолжи во Серија А, наводно прв фаворит за неговиот потпис е Интер.
Спорт
Пиоли ќе добие отказ, постои список со пет имиња за негов наследник
Стефано Пиоли ќе биде тренер на Милан до крајот на сезоната, по што ќе добие отказ, пишуваат италијанските медиуми. Тоа ќе биде крај на петгодишната соработка која на Милан му ја донесе првата титула во Серија А по 11 години во 2022 година. На „Сан Сиро“ веќе размислуваат кој ќе биде нов тренер, а моментално се издвојуваат пет кандидати.
Според „газета дело Спорт“, најголеми фаворити се Пауло Фонсека и Хулен Лопетеги.
Фонсека е 51-годишен Португалец кој моментално раководи со Лил, а две години работеше во Италија како тренер на Рома. Лопетеги (57) оваа сезона е без работа откако се раздели со Вулверхемптон, во минатото тој беше тренер на Реал и Севилја и селектор на Шпанија.
Како резервни опции се споменуваат Кристоф Галтиер, поранешниот тренер на ПСЖ кој сега го води катарскиот Ал-Духаил и Марсело Гаљардо, долгогодишниот тренер на Ривер Плата, кој моментално го тренира саудискиот Ал-Итихад.
Во потрагата по нов тренер се приклучи и клупскиот советник Златан Ибрахимовиќ, а „Тутоспорт“, пишува дека тој го предложил Марк ван Бомел. Ван Бомел е актуелен тренер на Антверпен, со кој беше и шампион на Белгија, а во Милан играше во сезоната 2011/12 кога му беше соиграч Ибрахимовиќ.
Спорт
(Видео) Мајами и Њу Орлеанс се пласираа во плеј-офот
Кошаркарите на Мајами Хит и Њу Орлеанс Пеликанс се последните учесници во НБА плејофот. Во првата рунда тие ќе се соочат со првите носители на нивните конференции – Хит против Бостон Селтикс, а Пеликанс против Оклахома Сити Тандер.
Хит играше и ќе игра без повредениот Џими Батлер, а најефикасен беше Тајлер Хиро со 24 поени (8-17 од поле), 10 скока и 9 асистенции. Хамес Хакез додаде 21 поен (8-16 од поле, 6ск, 6ст). Кевин Лав постигна 16 поени, а Бем Адебајо постигна 13.
На другата страна најдобри беа Демар Дерозан со 22 поени (8-16 од поле, 3с, 4на) и Никола Вучевиќ со 16 поени (7-17 од поле), 14 скока и 5 асистенции.
Пеликанс ги совладаа Кингс со 105:98, но натпреварот не беше неизвесен како што покажува резултатот, на шест и пол минути до крајот беше Пеликанс водеа со 20 поени.
Најдобар кај Њу Орлеанс, кој настапи без повредениот Зион Вилијамсон, беше Брендон Инграм со 24 поени (10-20 од поле) и по 6 скока и асистенции, додека Јонас Валанчиунас запиша 19 поени (8-16 од поле), 12 скока, 3 асистенции и 2 скока.
Кај „кралевите“ се истакна Дирон Фокс со 35 поени (12-29 од поле), 7 скока и 5 асистенции, додека Домантас Сабонис имаше 23 поени (9-14 од поле), 14 скока и 7 асистенции.