Спорт
УЕФА: Реал е првиот тим кој потрошил 400 милиони евра на плати!
УЕФА по деветти пат го откри својот извештај за рангирање на фудбалските клубови, откривајќи кои 20 клубови даваат најмногу пари за плати на фудбалерите и на другите вработени од 2009 година досега.
Во извештајот со наслов „Описот на европската фудбалс…
УЕФА по деветти пат го откри својот извештај за рангирање на фудбалските клубови, откривајќи кои 20 клубови даваат најмногу пари за плати на фудбалерите и на другите вработени од 2009 година досега.
Во извештајот со наслов „Описот на европската фудбалска клупска ситуација“, се покажува дека платите раснат најмногу од почетокот на собирањето на овие податоци од 2010 година, а не е изненадувачки што богатите англиски клубови се прилично застапени, иако повторно се покажува дека еден е „кралскиот клуб“ – Реал Мадрид е на врвот со 406 милиони евра исплатени на плати (како прв клуб со над 400 милиони евра).
„Клубовите имаат свои приходи, но во исто време вложуваат во инфраструктура и во поседи, делумно благодарение на финансискиот фер-плеј (ФФП) на УЕФА. Првпат, инвестициите во стадионите на клубовите надминаа 1 милијарда евра во 2016 година“, вели претседателот на УЕФА, Александер Чеферин.
Зад Реал Мадрид се Барселона со 378 милиони евра, по што следуваат англиските гиганти Манчестер сити (334) и Манчестер јунајтед (306). Ова се четирите клубови кои исплатиле над 300 милиони евра во плати.
На листата има и мали изненадувања – на пример Волфсбург, Кристал палас, Лестер сити и Саутемптон потрошиле повеќе пари од седумкратниот европски шампион Милан, кој е на 20-тото место.
ТОП 20 ПО ИСПЛАТЕНИ ПЛАТИ ОД 2009
1.Реал Мадрид 406 милиони евра
2.Барселона 378 милиони евра
3.Манчестер сити 334 милиони евра
4.Манчестер јунајтед 306 милиони евра
5.Баерн Минхен 276 милиони евра
6.Пари Сен-Жермен 272 милиони евра
7.Јувентус 264 милиони евра
8.Челси 256 милиони евра
9.Ливерпул 244 милиони евра
10.Арсенал 234 милиони евра
11.Борусија Дортмунд 178 милиони евра
12.Атлетико Мадрид 178 милиони евра
13.Интер 155 милиони евра
14.Тотенхем 148 милиони евра
15.Рома 145 милиони евра
16.Волфсбург 139 милиони евра
17.Кристал палас 133 милиони евра
18.Лестер сити 132 милиони евра
19.Саутемптон 131 милиони евра
20.Милан 128 милиони евра
.@ManCity were the most recent team to break the magic 10million mark.
Who will be next? Where do your favourite club rank?
Check out the 2019 UEFA Benchmarking Report to find out more
? https://t.co/YOMNl2rPE8 pic.twitter.com/S2n5velGII
— UEFA (@UEFA) January 18, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Премиер лигата им забрани на собирачите на топки да ја враќаат топката во игра
Премиер лигата воведе ново правило кое се однесува на момчињата кои ги собираат топките, пишуваат англиските медиуми. Тие повеќе нема да смеат да им ги фрлаат топките на играчите, туку ќе мора да ги ставаат на одредени места до теренот. Оваа измена е воведена за домашните екипи да не имаат неправедна предност.
Во последниве години, тренерите почнаа да им придаваат се поголемо значење на собирачите на топки, некои од нив дури лично да им даваат инструкции како да ја вршат својата работа.
Најчесто акцентот се ставаше на побрзо фрлање на топката кон играчите за да се забрза играта во обид да се изненади противникот. Исто така, собирачите на топки знаеја да прават мали опструкции кога нивниот тим ја има предноста.
Со воведувањето на оваа промена, Премиер лигата се обидува да создаде еднакви услови и за домашните и за гостинските екипи.
Спорт
Чаби Алонсо ги одби гигантите ќе остане во Леверкузен
Чаби Алонсо потврди дека и наредната сезона ќе го предводи Баер Леверкузен. Шпанецот со „фармацевтите“ е на добра пат да ја освои првата Бундес лигата во клупската историја. Неговиот тим, во сите натпреварувања од почетокот на сезоната, нема доживеано ниту еден пораз.
Чаби Алонсо долго време се поврзуваше со Ливерпул и Баерн Минен, клубови за кои играше во кариерата, но денес стави крај на тие шпекулации.
„Имав многу добри разговори со челниците на клубот и им кажав дека сакам да останам во Баер. Ова е најдоброто место за мене “, изјави Чаби Алонсо и продолжи:
„Нема да коментирам за Ливерпул или Баерн. Тие се големи клубови и јас сум поврзан со нив. Сепак, сега сум таму каде што сакам да бидам. Сега не е време да зборувам за иднината, сакам да се развивам понатаму во Баер. Веќе им ја соопштив одлуката на играчите “, рече 42-годишниот тренер.
Алонсо го презеде Леверкузен во октомври 2022 година, а пред тоа го тренираше вториот тим на Реал Сосиедад.
Спорт
Шекил: Сакам Симонс да ме научи како за 55 натпревари заработи 80 милиони долари
Изјавата на Шекил О’Нил во еден подкаст, во пресрет на почетокот на плеј-офот во НБА лигата, привлече големо внимание во САД.
Еден од најдобрите центри во историјата на кошарката, саркастично одговори на прашањето за кои играчи би платил карта да ги гледа во живо.
„Бен Симонс, затоа што сакам да научам како можеш да заработиш 80 милиони, а да одиграш само 55 натпревари. Научи ме човеку. Научи ме како можеш да одиграш 55 натпревари во три сезони и да добиеш 30 милиони, 40 милиони и уште 40 милиони само за да рекол дека го боли грбот“, рече четирикратниот шампион во НБА.
Симонс во 2016 година беше прв пик на драфтот, го избра Филалделфија, во чии редови беше до 2022 година кога се пресели во Бруклин Нетс. За Бруклин во првата сезона одигра 40 натпревари, а оваа само 15.