Спорт
Уругвај и Русија во осминафиналето, елиминација за Саудијците и Египќаните
Луис Суарез го прослави својот 100. настап во уругвајскиот дрес со гол, кој беше доволен за 1:0 победа над Саудиска Арабија, резултат со кој се разјаснува кој оди каде во групата А.
Уругвај и Русија сега имаат по шест поени, додека Египет и Саудиска Ар…
Луис Суарез го прослави својот 100. настап во уругвајскиот дрес со гол, кој беше доволен за 1:0 победа над Саудиска Арабија, резултат со кој се разјаснува кој оди каде во групата А.
Уругвај и Русија сега имаат по шест поени, додека Египет и Саудиска Арабија се без поени по два меча, така што двете репрезентации се сигурни во осминафиналето, и во меѓусебниот дуел ќе одлучуваат кој ќе го заземе првото место во групата. Саудијците и Египќаните, заедно со Мароканците од групата Б веќе се елиминирани.
GOAL!!! LUIS SUAREZ SCORES ON HIS 100TH APPEARANCE! WHAT WAS THE GOALKEEPER DOING?!#WorldCup #URU #KSA #URUKSA pic.twitter.com/4I2eE9A1Hc
— FIFA World Cup (@WorIdCupUpdates) June 20, 2018
На „Ростов арената“, Уругвајците стартуваа напаѓачки, иако за првата вистинска шанса се чекаше до 11. минута, кога Кавани шутираше над голот. Саудијците првата шанса ја имаа во 20. минута преку Салем, пред само три минути подоцна, Уругвај да дојде во водство, откако голманот на азискиот клуб направи погрешна проценка, а Луис Суарез не згреши во својот јубилеен 100. настап за Уругвај, откако беше непрепознатлив во првиот меч против Египет.
Luis Suarez – the first player to score at three different editions of the #WorldCup for @Uruguay! pic.twitter.com/B2xfSuZd47
— FIFA World Cup ? (@FIFAWorldCup) June 20, 2018
Суарез влегува во историјата на уругвајскиот фудбал како прв фудбалер кој успеал да постигне голови на три различни Светски првенства.
Саудијците во првото полувреме беа далеку подобри од мизерната партија против Русија (која ја загубија со 5:0), добивајќи шанса преку Фахад во 28. минута. Тие очигледно беа помотивирани за игра, дали поради заканите за казна за лошиот прв натпревар, дали поради хоророт кој се случи со палењето на нивниот авион на патот до Ростов.
Сепак, Уругвај ја контролираше топката и во второто полувреме имаа шанса преку Суарез во 50. минута со удар од далеку и со Санчез во 62. минута, кој по добрата топка од Кавани лошо реагираше со глава.
Во 85. минута, ѕвездата на ПСЖ, Единсон Кавани се најде само пред голот на Саудијците во одлична шанса, но неговиот удар беше изблокиран од истрчаниот голман во најдобрата шанса во второто полувреме.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Куртоа се враќа до крајот на сезоната
Tренерот на Реал, Карло Анчелоти денеска изјави дека голманот Тибо Куртоа треба да се врати во тренажен процес за десет дена, пренесуваат шпанските медиуми.
На 20 март Куртоа беше опериран поради скинат менискус на десното колено. Шпанските медиуми потсетуваат дека белгискиот голман требаше да паузира до крајот на сезоната, но Анчелоти тврди дека Куртоа успешно се опоравува.
„Куртоа добро закрепнува, би можел да биде во тимот против Кадиз“, изјави Анчелоти.
Шпанските медиуми пренесуваат дека Куртоа сигурно ќе го пропушти натпреварот против Реал Сосиедад во Ла Лига, како и првиот полуфинален натпревар од Лигата на шампионите против Баерн.
Натпреварот од 34. коло во шпанското првенство помеѓу Реал и Кадиз ќе се одигра на четврти мај во Мадрид.
Спорт
Евролигата нема да го толерира однесувањето на Атаман
Кошаркарската Евролигата се огласи по бурната реакција и изјава на Ергин Атаман по поразот на Панатинаикос од Макаби, во Атина на стартот од четвртфиналната серија.
Во соопштението на веб-страницата на елитното натпреварување, се нагласува дека е недозволиво Атаман да ги етикетира судиите, дека таков приситсок нема да биде толериран и дека е покрената дисциплинска постапка против тренерот на Панатинаикос.
За потсетување, Атаман веднаш по натпреварот потенцираше дека судиите му доделиле шест поени на Балдивин, бидејќи досудиле два непостоечки, смешни фаули при шут за три поени, но во исто време нагласи дека ПАО продолжува понатаму, до завршниот турнир во Берлин.
Атаман на прес-конференцијата отиде чекор понатаму, велејќи дека ќе го напушти Панатинаикос доколку не избори пласман на завршниот турнир.
Макаби води во четвртфиналната серија со 1-0, вториот меч се игра вечерва повторно во Атина, а потоа следуваат два натпревари во Белград – 30 април и 2 мај, а евентуалната мајсторка ќе се игра на 8 мај во Атина.
Спорт
Гвардиола за Жоао Кансело: Ќе видиме на крајот на сезоната
Жоао Кансело е член на Манчестер Сити, а моментално е на позајмица во Барселона до крајот на сезоната. Прашање е дали Барселона сака да го отткупи неговиот договор, откако Португалецот беше означен како еден од главните виновници за елиминацијата од ПСЖ од Лигата на шампионите и поразот од Реал во Ел Класико.
Менаџерот на Манчестер Сити, Пеп Гвардиола изјави дека на крајот на сезоната ќе одлучи дали Кансело ќе се врати во клубот, пренесуваат британските медиуми.
„Се уште не сме разговарале за иднината на Кансело во нашиот клуб. Ќе разговараме на крајот на сезоната“, изјави Гвардиола.
Кансело (29) е член на Манчестер Сити од 2019 година. Тој има договор со англискиот клуб до 30 јуни 2027 година.
Вториот дел од минатата сезона Кансело го мина на позајмица во Баерн, а потоа Манчестер Сити го испрати португалскиот фудбалер на едногодишна позајмица во Барселона.
Кансело оваа сезона одигра 36 натпревари за Барселона и постигна четири гола.