Спорт
Федерер: Два пати сезонава не бев доволно добар
Роџер Федерер, на новинарите во Лондон им открил дека е задоволен од она што го постигнал оваа сезона, но дека можел и да постигне подобри резултати на Вимблдон и Ју-Ес опен.
Освојувачот на 20 гренд-слем трофеи, сезоната ја започна со победа на Отворен…
Роџер Федерер, на новинарите во Лондон им открил дека е задоволен од она што го постигнал оваа сезона, но дека можел и да постигне подобри резултати на Вимблдон и Ју-Ес опен.
Освојувачот на 20 гренд-слем трофеи, сезоната ја започна со победа на Отвореното првенство на Австралија, а титули освоил и во Ротердам, Штутгарт и Базел. И оваа година тој воопшто не играше на земјана подлога.
На Вимблдон настапот го заврши во четврт-финалето, а на Ју-Ес опен испадна во четвртото коло.
„Освоив гренд-слем титула, морам да бидам задоволен од оваа сезона. Можеби Вимблдон и Ју-Ес опен не минаа совршено,односно на начин што го посакував, но тоа се само две разочарувања. Освоив многу турнири, повторно бев одличен во Австралија. Немав ниту една повреда, навистина сум задоволен“, рекол Федерер.
Швајцарецот е рекордер со осум титули на завршниот Мастерс, а во Лондон ќе се обиде да ја освои својата 100. титула во кариерата.
Федерер, во групата на завршниот Мастерс, ќе игра против Кеи Нишикори, Доминик Тим и Кевин Андерсон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.