Спорт
Фелпс: Да се спаси живот од депресија е поважно од сите мои медали
Најуспешниот олимпиец на сите времиња, поранешниот американски пливач Мајкл Фелпс вели дека за него е поважно да успее да спаси еден живот на луѓето кои страдаат од депресија, од сите медали кои ги освоил.
Фелпс, освојувачот на рекордни 23 златни медал…
Најуспешниот олимпиец на сите времиња, поранешниот американски пливач Мајкл Фелпс вели дека за него е поважно да успее да спаси еден живот на луѓето кои страдаат од депресија, од сите медали кои ги освоил.
Фелпс, освојувачот на рекордни 23 златни медали на пет Олимпијади во интервју за „Си-ен-ен“ ја открива својата борба со депресијата и признава дека постоеле моменти кога не сакал да биде жив, и сака неговото искуство да помогне на другите.
„Би сакал да направам нешто, да спасам некој живот ако можам. За мене тоа е поважно од било кое злато. Јас направив некои неверојатни работи во базенот, но се мачев надвор од него. Тоа беше дел од мојот живот и понекогаш не сакав да бидам жив“, открива Фелпс.
По Олимпијадата во 2012 година во Лондон, Фелпс вели дека го допрел дното, но признава дека и неодамна имал „страшен момент“. Сепак, тој вели дека сега до крајот на животот ќе се бори со депресијата.
„Пред две три недели поминав низ доста страшен момент со депресијата. Тоа ќе продолжи да се случува во мојот живот, но колку повеќе научам за болеста, ќе поминувам полесно. Сакам да го направам мојот живот подобар учејќи ги другите како да се справат со работите околу нив. Јас најдов стабилност во мојот брак со Никол и таа ми помага во целиот живот“, вели 33-годишниот Фелпс, кој се повлече од базенот по ОИ во Рио во 2016 и веќе има две деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.