Спорт
Ферари најбрз на двата тренинга во Спа!
Кими Раиконен го постави најдоброто време на вториот тренинг пред Белгиското ГП овој викенд, победувајќи го светскиот шампион Луис Хамилтон за 0.168 секунди и потврдувајќи ја доминацијата на Ферари во Спа, откако во првата сесија најбрз беше неговиот к…
Кими Раиконен го постави најдоброто време на вториот тренинг пред белгиското ГП овој викенд победувајќи го светскиот шампион Луис Хамилтон за 0,168 секунди и потврдувајќи ја доминацијата на Ферари во Спа кога во првата сесија најбрз беше неговиот колега Себастијан Фетел.
Хамилтон имаше предност со Мерцедес во првата половина од сесијата со најдобро време од 1:44.369 на средни гуми, но ова беше само 0,031 секуни побрзо од Раиконен по што Финецот беше побрз кога се симулираа квалификациските возење.
Раиконен на супер меки гуми постави круг од 1:43.555, време што не беше достигнато и зад него останаа Хамилтон и Валтери Ботас во Мерцедес. Фетел мораше да се откаже од обидот да постави најдобро време во последен час кога направи грешка во 14-тата кривина за на крајот да заврши како петти зад Макс Ферстапен во Ред бул.
Даниел Рикардо беше шести најбрз пред Серхио Перез (за новиот Рејсинг Поинт Форс Индија), пред Карлос Саинс (Рено), Маркус Ериксон (Заубер) и Шарл Леклер (Заубер).
A good day at the office for @ScuderiaFerrari as Kimi takes top spot in FP2 ?#BelgianGP ?? #F1 pic.twitter.com/xCwn2LugFY
— Formula 1 (@F1) August 24, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.
Спорт
Ливерпул замената за Клоп ја најде во Лисабон
Откако Јирген Клоп јавно објави дека на крајот од сезоната ќе ја напушти клупата на Ливерпул и ќе замине на долг одмор, фудбалска јавност шпекулира кој ќе биде новиот тренер на „црвените“.
Како очигледен избор се истакна поранешниот играч на Ливерпул, Чаби Алонсо (42). Неговиот Баер Леверкузен игра неверојатно добар фудбал оваа сезона. Статистиката на германскиот тим е 38 натпревари без пораз во сите натпреварувања, со 109 постигнати голови.
Извесно е дека Чаби Алонсо ќе им ја донесе на „фармацевтите“ првата шампионска титула во клупската историја, со која ќе ја прекинат единаесетгодишната доминација на Баерн.
Сепак, од релевантни извори во Германија доаѓаат информации дека Алонсо ова лето нема да го напушти Леверкузен, а доколку реши да замине од Баер, ќе остане во Германија и ќе се се пресели во Минхен.
„Скај Спортс“, пишува дека Ливерпул покажал сериозен интерес за Португалецот Рубен Аморим (39), тренер кој четири години е на клупата на Спортинг, а претходно беше тренер на Брага. Тој користи систем со три стопери исто како и Алонсо, а неговиот напаѓачки стил на игра му донесе титула на Спортинг во првата сезона на Аморим.
Спорт
УЕФА ќе го разгледа предлогот секој тим да има по 26 фудбалери на ЕП
Европската фудбалска унија (УЕФА) ќе разговара за можноста за проширување на бројот на играчи за претстојното ЕП 2024 во Германија на состанок следниот месец.
Според актуелните правила, секоја репрезентација може да има по 23 пријавени фудбалери на ЕП. Српскиот селектор, Драган Стојковиќ Пикси, предложи, секоја селектор да може да пријави 26 играчи. Овој предлог доби поддршка од селекторите на 24 репрезентации кои ќе учествуваат на континеталниот шампионат.
„Добивме неколку пораки од селекторите на репрезентациите во врска со бројот на играчи ЕП 2024. Работната група на УЕФА и претставниците на репрезентациите учесници ќе ги разгледаат предлозите на селекторите на 8 април и ќе ги проучиме сите можни решенија и идеи“, најавија од УЕФА.
На последното ЕП во 2021 година, поради епидемијата на коронавирус, секоја репрезентација имаше 26 фудбалери.