Спорт
Фетел до пол-позицијата со рекорд на патеката
Себастијан Фетел ја освои пол-позицијата во пресрет на трката за Големата награда на Канада. Возачот на Ферари, покрај најбрзиот круг, успеа да постави и најбрз круг, 1:10.764 минути, на патеката „Жил Вилнев“.
Фетел, во Канада, ја освои 54.пол-позиција…
Себастијан Фетел ја освои пол-позицијата во пресрет на трката за Големата награда на Канада. Возачот на Ферари, покрај најбрзиот круг, успеа да постави и најбрз круг, 1:10.764 минути, на патеката „Жил Вилнев“.
Фетел, во Канада, ја освои 54.пол-позиција во кариерата. Инаку, Ферари на оваа патека нема победа од 2004 година, кога славеше Михаел Шумахер.
Место до Фетел, во првиот ред на стартот, обезбеди Финецот од Мерцедес, Валтери Ботас, кој имаше послабо време од Германецот за само 93 илјадити делови од секундата.
Вториот ред на стартот го формираа Макс Ферстапен од Ред Бул и актуелниот светски првак Луис Хамилтон.
Утрешната трка од петтото и шестото место ќе ја стартуваат Кими Раиконен од Ферари и Даниел Рикардо од Ред Бул.
Првите шестмина во квалификациите се сместија во разлика од 0,352 секунди.
Место меѓу најдобрите десет на стартот обезбедија и возачите на Рено, односно Форс Индија: Нико Хулкенберг (Рено), Естебан Окон (Форс Индија), Карлос Саинц (Рено) и Серхио Перез (Форс Индија).
Траката за Големата награда на Канада в недела ќе стартува во 20:10 часот по средно-европско време.
That’s a wrap for Qualifying!
Barely anything to choose between the top three teams
But Sebastian Vettel claims pole number 54 ?#CanadianGP ?? #F1 pic.twitter.com/W84Tcv8xwB
— Formula 1 (@F1) June 9, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Родри една година не доживеал пораз
Фудбалерот на Манчестер сити и шпанската репрезентација, Родри (27) зад себе има неверојатно достигнување. Еден од главните адути на Пеп Гвардиола нема загубено натпревар за клубот или репрезентација веќе една година.
Последниот пораз Родри го имаше во дресот на Шпанија од Шкотска во квалификациите за Европското првенство на 28 март минатата година.
Оттогаш Манчестер сити и Шпанија се непоразени во натпреварите во кои играше Родри. Шпанија неодамна загуби од Колумбија во пријателски натпревар, но со одлука на селекторот Луис де ла Фуенте Родри не играше на тој натпревар. Тој играше на следниот натпревар и со два гола беше најдобар играч во ремито (3:3) со Бразил.
Во овој период без пораз, Родри со Сити ги освои Лигата на шампионите, Премиер лигата, ФА Купот, Суперкупот на Европа и Светското клупско првенство. Некои истакнуваат дека го загубил „Комјунити Шилд“ од Арсенал, на почетокот на сезоната, но тој натпревар официјално заврши без победник по 120 минути, подоцна Арсенал славеше по изведувањето пенали.
Спорт
Меси: Ќе се пензионирам кога ќе престанам да уживам во играта
Лионел Меси пред шест месеци ја започна својата авантура во Америка. Аргентинецот откри дека во моментов не размислува за пензија.
Меси одлично ја започна сезоната во МЛС лигата, во првите три натпревари постигна три гола и забележа една асистенција. Сегашната форма покажува дека Меси се уште не е за пензија и дека му претстојат уште неколку години добар фудбал, што и самиот го потврди.
„Мојата возраст нема да биде важна за одлуката да се пензионирам. Ако продолжам да се чувствувам добро на теренот, ќе продолжам да играм“, изјави Меси.
Во Интер од Мајами, Меси е опкружен со пријатели, соиграчи со кои ја делеше соблекувалната во Барселона. Дел од Интер Мајами се и Серхио Бускетс, Луис Суарез и Џорди Алба. Аргентинецот нема да се пензионира се додека неговиот тим имма корист од него.
„Ќе престанам да играм фудбал во моментот кога веќе нема да можам да играм на ова ниво, кога нема да уживам во играта или кога нема да можам да им помогнам на соиграчите на теренот“, изјави аргентинскиот фудбалер.
Покрај за Интер Мајами, Меси во својата кариера настапуваше и за Барселона и ПСЖ.
Спорт
“Робињо и Алвеш? Некој да и го направеше тоа на мојата ќерка, сега немаше да дадвам интервју”
Робињо (40) и Дани Алвеш (40), некогаш фудбалски ѕвезди, сега се осудени силувачи.
Робињо кого на почетокот на кариерата, Бразилците го прогласија за наследник на Пеле, играше за Сантос, Реал, Манчестер сити, Милан. За бразилската репрезентација одигра 100 натпревари. Тој мора да отслужи деветгодишна затворска казна за брутално групно силување на 22-годишна девојка.
Исто така, Дани Алвеш (40), еден од најтрофејните фудбалери во историјата, пред два месеци беше правосилно осуден на 4,5 години затвор за силување девојка во ноќен клуб во Барселона во декември 2022 година. Но, пред два дена беше ослободен откако во затвор помина 14 месеци. За да излезе на слобода тој плати кауција од 1.000.000 евра.
Фелипе Мело, поранешен репрезентативец на Бразил, кој ја делеше соблекувалната со двајцата играчи, го коментираше тој случај за бразилскиот „Глобо Еспорте“.
„Никој нема право да зборува на оваа тема, но не гледам проблем сега да дадам свој коментир. Имам 15-годишна ќерка. Нејзе да и се случеше ова, јас немаше сега да бидам овде и да го давам ова интервју. Човечко суштество треба да се почитува, било да е машко или женско“, рече Мело.