Спорт
Фетел пред Раиконен за 1-2 на стартот на Бахреин ГП (видео)
Себастијан Фетел ќе стартува од пол-позицијата на Бахреин ГП трката, откако успеа да го совлада својот клупски колега од Ферари, Кими Раиконен за минимални 0.143 секунди.
Раиконен ја имаше предноста по првото излегување во третата квалификациска сесија…
Себастијан Фетел ќе стартува од пол-позицијата на Бахреин ГП трката, откако успеа да го совлада својот клупски колега од Ферари, Кими Раиконен за минимални 0.143 секунди.
Раиконен ја имаше предноста по првото излегување во третата квалификациска сесија со 0.095 секунди пред Фетел, но не успеа да го подобри ова време, дозволувајќи му на Фетел да ја обезбеди 51. пол-позиција во кариерата со круг од 1:27.958.
A stunning lap saw Sebastian Vettel claim his 51st pole position at the #BahrainGP ?? #Quali #F1 pic.twitter.com/QSU6eioUpc
— Formula 1 (@F1) April 7, 2018
Валтери Ботас во Мерцедес беше трет со 23 илјадити делови од секундата зад Раиконен со последниот круг, додека четврто најдобро време имаше Луис Хамилтон, кој ќе стартува како деветти откако доби казна за менување на менувачот.
Даниел Рикјардо беше петти за Ред бул, пред најголемото изненадување Пјер Гасли во Торо росо, кој покажа дека моторот на Хонда е многу подобрен за 2018. Кевин Магнусен беше седми за Хас, додека возачите на Рено, Нико Хилкенберг и Карлос Саинс Јуниор беа разделени од Естебан Окон во Форс Индија.
Things didn’t quite go to plan for @Max33Verstappen in qualifying… ? ? #BahrainGP ?? #F1 pic.twitter.com/KsqmQZEbsI
— Formula 1 (@F1) April 7, 2018
Мекларен повторно беше големо разочарување, откако Фернандо Алонсо беше 13., а Штофел Фандорне 14. во лоша сесија за англискиот тим.
Макс Ферстапен во вториот Ред бул излета уште во првата квалификациска сесија, уништувајќи го болидот и на крајот ќе стартува како 15.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА го суспендира Емилијано Мартинез
Голманот на Астон Вила, Емилијано Мартинез, поради суспензија ќе го пропушти првиот полуфинален натпревар од Конференциската лига против Олимпијакос, потврди Европската фудбалска унија (УЕФА).
Мартинез, во четвртокот, во реваншот од четвртфиналето против Лил доби жолт картон во 39. минута, а втор жолт картон при изведувањето на пенали поради неспортско однесување кон домашните навивачи.
Аргентинскиот голман не беше исклучен, бидејќи жолтите картони во текот на натпреварот не важат во пенал серијата.
Сепак светскиот првак со Аргентина доби суспензија. УЕФА го казни Мартинез бидејќи во пенал-серијата константно ја провоцираше домашната публика.
Астон Вила по изведувањето пенали го победи Лил со 4:3, а Мартинез одбрани два пенали, во првата и петтата серија им одбрани на Бенталеб и Андре.
Првиот натпревар од полуфиналето на Конференциската лига меѓу Астон Вила и Олимпијакос ќе се одигра на 2 мај во Бирмингем, а реваншот седум дена подоцна во Грција.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.