Спорт
Финале за паметење, Франција е светски првак (Видео)
Францција ја освои титулата на 21.Светско првенство во Русија. Во големото финале, на „Лужники“ во Москва, Франција ја победи Хрватска со 4:2 (2:1). Франција ја освои втората титула во својата историја, по онаа на домашен терен во 1998 година. Селектор…
Францција ја освои титулата на 21.Светско првенство во Русија. Во големото финале, на „Лужники“ во Москва, Франција ја победи Хрватска со 4:2 (2:1). Франција ја освои втората титула во својата историја, по онаа на домашен терен во 1998 година. Селекторот на Франција, Дидие Дешам е третиот во историјата кој станал светски првак како играч и како селектор, претходно тоа им успеало на Марио Загало и Франц Бекенбуер.
Хрватите многу поконкретно го отворија натпреварот, од стартот го притиснаа противникот, со намера сами да ја решат својата судбина. Најчесто, Хрватите се закануваа преку бочните позиции, каде најситканта беше Перишиќ, меѓутоа „триколорите“ успеваа да се справат со тие налети.
Франција никако не успеваше да се ослободи од притисокот и барем за момент да се пресели на противничкито поле.
Меѓутоа работите целосно се сменија во 19.минута, кога по слободниот удра на Гризман несреќниот Манџукиќ малку ја закачи топката и го смени правецот и ја испрати во сопствениот гол.
И покрај несреќно примениот гол Хрватска не го смени пристапот, константно притискаше кон голот на Љорис. Наградата за таквиот пристап стигна во 28.минута, кога Перишиќ од испрати вистински проектил од 14 метри во францускиот гол.
Десет минути подоцна по корнерот што го изведе Гризман, стрелецот Перишиќ играше со рака, а судијата Питана откако ја прегледа снимката покажа на белата точка.
Гризман ладнокрвно го изведе пеналот и во 38.минута повторно и ја врати предноста на Франција.
Хрватска фајтерски влезе во второто полувреме, со уште посилен притисок. Таквата игра им донесе неколку полу-шанси, а инфериорноста на Французите селекторот Дешан ја реши со првата измена, Нзонзи влезе на местото на Канте.
А по измената следуваше еден блицкриг на „триколорите“, сличен каков оној што го направија против Аргентина во осмина-финалето.
Првата вистинска акција што на мечот ја одиграа Французите, со гол ја заврши Погба. Ирачот на Манчестер јунајтед се обиде со со десна нога, а откако ударот беше изблокиран со лева го совлада Субашиќ во 59.минута.
Шест минути подоцна двоецот на Атлетико Лукас Хернандез и Гризман му подготвија шанса на Мбапе, а тинејџ-ѕвездата од 18 метри го погоди голот на Хрватска за 4:1.
Играта на Хрватска беше наградена во 65.минута, кога голманот Љорис направи неверојатен кикс и му подари гол на Манџукиќ. Напаѓачот на Јувентус е првиот играч што во финале на Светско првенство постигнал гол и авто-гол.
По голот на Манџукиќ темпото на играта падна, Хрватите ја држеа топката, но без сериозна закана кон голот на противникот, а Французите само чекаа да мине времето.
Франција на патото до титулата ги забележа следниве резултати: Австралија (2:1), Перу (1:0), Данска (0:0), Аргентина (4:3), Уругвај (2:0), Белгија (1:0), Хрватска (4:2).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.