Спорт
Фудбалот се враќа дома! Англија влезе во полуфинале
„Фудбалот се враќа дома“. Оваа изрека веќе подолго време е актуелна во Англија по неочекуваниот успех на нивната фудбалска репрезентација на Мундијалот во Русија, и сега ги делат само два меча до првата титула од 1966 година, откако со 2:0 ја минаа и н…
„Фудбалот се враќа дома“. Оваа изрека веќе подолго време е актуелна во Англија по неочекуваниот успех на нивната фудбалска репрезентација на Мундијалот во Русија, и сега ги делат само два меча до првата титула од 1966 година, откако со 2:0 ја минаа и незгодната Шведска во четврт-финалето во Самара.
Англичаните покажаа дека не се само тим на Хери Кејн, откако Хери Мегвајр и Деле Али ги постигнаа двата гола, а вистински херој на натпреварот беше најскапиот голман во Премиер лигата, Џордан Пикфорд, кој имаше низа фантастични одбрани за да ги остави „трите лава“ во игра во текот на целиот меч.
Англија последен пат играше во полуфиналето на едно Светско првенство играа пред 28 години – во Италија во 1990 година, кога по 1:1 во регуларниот дел загубија на пенали од Западна Германија (која подоцна стана светски шампион).
Сега, Англичаните го очекуваат својот противник во полуфиналето кој ќе биде познат вечерва по мечот Хрватска-Русија (20 часот). Во другото полуфинале се Франција и Белгија.
Почетокот на мечот не ветуваше многу, откако Швеѓаните се задоволија да чекаат шанса за контра-напад на својата половина, а тимот на Герет Саутгејт беше премногу внимателен.
Англија го имаше првиот обид кон противничкиот гол дури во 20. минута, кога Стерлинг со убав пробив му дава топка на Кејн, кој удира силно, но топката поминува покрај дирекот на голот на Олсен.
Во 30. минута, Англија доаѓа во водство со голот на високиот Хери Мегвајр. Ешли Јанг изведува корнер, а фудбалерот на Лестер, Мегвајр (194 сантиметри) е повисок во скокот од Форсберг со силен удар да го матира шведскиот голман.
Англија беше „охрабрена“ од голот и почесто се наоѓаше во шанса до крајот на полувремето. Стерлинг во 41. минута повторно покажува колку е брз, и го наоѓа Али, чиј удар завршува во блокот. Во 45. минута, Стерлинг повторно беше во одлична позиција, откако излезе сам пред шведскиот гол, и наместо да додаде до Кејн, се обиде да шутира.
Швеѓаните второто полувреме го почнаа со фантастична шанса во 47. минута, кога по нафрлањето на Аугустинсон, Берг со глава го погодува долниот лев агол на голот на Англија, но Пикфорд има фантастична одбрана.
Набргу стигнува студен туш за „трите круни“ – Лингард нафрлува, а Деле Али ја избегнува офсајд-стапицата и лесно зголемува на 2:0.
Во 63. минута, Пикфорд пак ги „спасува“ Англичаните. Клаесон со силен удар од десетина метри центрира во десниот долен агол на голот, но голманот на Евертон повторно е на висина на задачата.
Англија се закани во 66. минута, кога топката од корнер Хендерсон ја додава до Мегвајр, кој овојпат со нога не е толку прецизен. Швеѓаните во 72. минута пропуштаат уште една голема шанса, а виновник пак е Пикфорд. Берг од десетина метри шутира под пречката, но Пикфорд има фантастични рефлекси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.