Спорт
Халеп ја „среди“ едната сестра Вилијамс, сега ја чека другата!
Светската тенисерка број 1, Симона Халеп, конечно, го покажа своето вистинско лице, победувајќи ја ветеранката Венус Вилијамс со 6:2/6:3 за да го мине третото коло на Австралија опен, и да закаже „состанок“ со помладата сестра Серена, која претходно ја…
Светската тенисерка број 1, Симона Халеп, конечно, го покажа своето вистинско лице, победувајќи ја ветеранката Венус Вилијамс со 6:2/6:3 за да го мине третото коло на Австралија опен, и да закаже „состанок“ со помладата сестра Серена, која претходно ја помина Дајана Јастремска.
Романката не импресионираше во првото и второто коло во Мелбурн, посебно во мечот против Американката Софија Кенин откако се врати на терените по скратената сезона 2018 поради повреда на грбот.
? Let’s see that once more, @Simona_Halep.
The World No. 1 keeps her dream to become an #AOChampion, alive. #AusOpen #AOFiredUp pic.twitter.com/guYiNES0tf
— #AusOpen (@AustralianOpen) January 19, 2019
Против Венус, таа направи два брејка во лесниот прв сет, пред во вториот двете тенисерки да го загубат својот сервис. Сепак, Романката потоа направи брејк за 4:3 водство, и уште еден за комплетирање на мечот.
Двократната гренд слем шампионка, Шпанката Гарбиње Мугуруза со 7:6(5)/6:2 ја победи Швајцарката Тимеа Бачински, а Александер Зверев, исто така е во четвртото коло, по доминантната 6:3/6:3/6:2 победа над Австралиецот Алекс Болт на „Род Лејвер арената“. 21-годишниот Германец обидот да го освои првиот гренд слем трофеј ќе го продолжи против Канаѓанецот Милош Раонич.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Џонтeј Портер доживотно суспендиран од НБА
Кошаркарот на Торонто Репторс, Џонтеј Портер, доживотно е суспендиран од НБА лигата поради коцкање.
Челниците на НБА одлучија дека тој повеќе не може да се натпреварува во најдобрата кошаркарска лига во светот.
Така на неславен начин ја заврши кариерата. Џонтеј е брат на кошаркарот на Денвер Нагетс, Мајкл Портер Јуниор.
По аферата која изби во изминатите два месеци, пронајдени се непобитни докази дека Портер се коцкал обложувајќи се на себе.
За комесарот на лигата Адам Силвер немаше дилема, тој мораше да ја донесе оваа одлука.
Според правилата на НБА, секој играч кој ќе се обложи со пари или ќе вложи било каква вредност на натпревар или настан организиран од лигата или Развојната лига може да се соочи со казни од комесарот на лигата Адам Силвер.
Портер, кој е брат на Мајкл Портер од Денвер, во 26 натпревари имаше просек од 4,4 поени, 3,2 скока и 2,3 асистенции.
Спорт
Надал елиминиран од Де Минор
Рафаел Надал го заврши својот настап во второто коло на турнирот во Барселона. Шпанецот во два сета загуби од Алекс Де Минор (5:7, 1:6).
Надал против Де Минор се држеше до финишот на првиот сет. Австралиецот во 11.гем направи брејк, а патоа и го освои сетот. Во вториот сет немаше никава неизвесност, Де Минор го прегази својот противник.
Тој ја забележа првата победа во дуелите со Надал на земјана подлога и втора во петтата меѓсебна пресметка со еден од најдобрите во историјата на тенисот.
Де Минор во третото коло ќе игра против подобриот од пресметката меѓу Даниел Алтмаер и Артур Фис.
На крајот публиката со овации го испрати Надал. Веројатно ова беше последен пат во кариерата да настапи на турнирот кој го освоил 12 пати.
Спорт
Воска спорт и Тиквеш ќе се борат за трофејот во Купот на Македонија
Foto/ facebookFC-Voska-Sport
Воска спорт и Тиквеш ќе се борат за трофејот во Купот на Македонија. Воска спорт во два натпревари го елиминира бранителот на трофејот Македонија ЃП, а Тиквеш во пебал-рулетот беа подобри од Шкупи. Двата тима прв пат изборија место во големото финале.
Воска спорт доживеа пораз во реваншот од Македонија ЃП (2:1), но во финалето се пласира благодарение на победата 2:0 во првиот натпревар, во Охрид.
Гостите го постигнаа првиот гол на натпреварот, преку Јахији во 13.минута. Екипата од Ѓорче Петров натпави пресврт со головите на Фазли во 25. и Велковски во 64.минута, но тоа не им беше доволно да се пласираа во финалето.
Во Кавадарци, Тиквеш и Шкупи одиграа идентично како и во првиот натпревар, без голови. Тиквеш пенал серијата ја доби со 5:3. Сите играчи на домашниот тим беа прецизни од белата точка, а кај Шкендија трагичарот беше Илиевски чии удар голманот Ренер го одбрани во првата серија.