Спорт
Хамилтон „граби“ кон титула, нова победа во Сингапур
Луис Хамилтон стигна до „совршена“ победа на Сингапур ГП, зголемувајќи го водството во генерален пласман на 40 поени на шест трки пред крајот, пред Себастијан Фетел, кој откако беше поминат од Макс Ферстапен мораше да се задоволи со третото место.
Валт…
Луис Хамилтон стигна до „совршена“ победа на Сингапур ГП, зголемувајќи го водството во генерален пласман на 40 поени на шест трки пред крајот, пред Себастијан Фетел, кој откако беше поминат од Макс Ферстапен мораше да се задоволи со третото место.
Валтери Ботас го издржа притисокот на Кими Раиконен за да го освои четвртото место, додека во поени беа и Даниел Рикјардо (Ред бул), Фернандо Алонсо (Мекларен), Карлос Саинс Јуниор (Рено), Шарл Леклер (Заубер) и Нико Хилкенберг (Рено).
Патеката Марина Беј беше позната по тоа што последните години им заддаваше многу главоболки во Мерцедес, меѓутоа, Хамилтон освен што ја освои пол-позицијата, покажа дека „Сребрената стрела“ е подготвена за нова светска титула и покрај тоа што во последните трки јасно се гледаше дека Ферари има посилен болид. Ова е седма победа на Британецот оваа сезона, и сега ќе биде „пеколно“ тешко за Ферари да направат „потера“ за титулата.
Хамилтон имаше сигурен старт од пол-позицијата, додека Фетел се обиде да го помине Ферстапен на второто место, нешто што му успеа пред да заврши кругот. Зад нив имаше хаос.
Возачите на Форс Индија, Серхио Перез и Естебан Окон потсетија на времето кога тимот ги предупредуваше за некоректно возење, и по нивниот судир трката заврши за Окон, а безбедносното возило мораше да излезе на патеката.
Фетел се обиде да го искористи ре-стартот да го помине Хамилтон, но Британецот не дозволи вакво нешто и полека почна да се одвојува од асот на Ферари. Во италијанскиот тим се обидоа да го искористат влегувањето во бокс за да го поминат Хамилтон, но наместо тоа, кога Ферстапен влезе во боксот, тој успеа да излезе пред Фетел, оставајќи го Германецот на третото место до крајот на трката.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.