Спорт
Хамилтон најбрз и најсреќен во азербејџанскиот хаос (видео) (ОБНОВЕНО)
Четирикратниот светски шампион Луис Хамилтон е победник на хаотичната Формула 1 трка покрај Каспиското Езеро во Баку, во трка со многу инциденти, пресврти и експлозија на гума на колегата на Хамилтон, Валтери Ботас, по што Британецот ја наследи победат…
Четирикратниот светски шампион Луис Хамилтон е победник на хаотичната Формула 1 трка покрај Каспиското Езеро во Баку, во трка со многу инциденти, пресврти и експлозија на гума на колегата на Хамилтон, Валтери Ботас, по што Британецот ја наследи победата на два круга пред крајот и сега е лидер во генерален пласман!
Победата, иако во хаотични услови, е фантастичен пресврт за Хамилтон, кој во првите три трки од сезоната беше победен прво двапати од Себастијан Фетел во Ферари, а потоа и од Даниел Рикјардо во Ред бул.
Хамилтон на крајот лесно стигна до победа пред Кими Раиконен, хаосот пред него го искористи Серхио Перез со подиум за Форс Индија, додека Фетел мораше да се задоволи со четвртото место.
Ова значи дека Хамилтон има 70 поени по четири трки, Фетел е втор со 66, а Раиконен на третото место со 48 поени, само осум повеќе од Ботас.
„Многу емоционална трка. Валтери ја заслужи победата, но и Себастијан, кој заврши одлична работа. Јас имав многу среќа денеска, така што е малку чудно по ваква трка да сум на првото место на подиумот“, признава Хамилтон.
Во поени уште беа и Карлос Саинс Јуниор (Рено), Шарл Леклер (Заубер), Фернандо Алонсо (Мекларен), Ленс Строл (Вилијамс), Штофел Фандорне (Мекларен) и Брендон Хартли (Торо росо).
Најмногу од сите треба да жалат во тимот на Ред бул, каде што поради погрешна проценка се судрија Рикјардо и Макс Ферстапен во финишот на трката, дозволувајќи му на Ботас да избие пред Себастијан Фетел и да го обезбеди првото место.
До ситуацијата дојде откако Ферстапен по влегувањето во боксот излезе пред колегата, и иако 20-годишниот Холанѓанец доби прекар „лудиот Макс“ овојпат вината беше на страната на неговиот поискусен австралиски колега. Стјуардите решија оценката да ја дадат по крајот на трката.
Фетел потоа направи еден хаотичен обид да го помине Финецот, кој не му успеа, и по погрешната проценка, на крајот заврши и зад колегата Раиконен.
До инцидентот на возачите на Ред бул, Фетел беше на пат до заслужена победа, пред среќата да му го сврти грбот и сега дури да заостанува четири поени зад Англичанецот.
Потоа следуваше и „катастрофата“ на Ботас, кој навистина може да жали за победата која веќе ја имаше в раце и секако ќе повлече многу прашања околу безбедноста на гумите на „Пирели“.
Фото: ЕПА
Рикјардо се удри во Ферстапен, двата Ред була во аут! (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Брејк на Фенер во Монако и на Олимпијакос во Барселона
Кошаркарите на Фенербахче и Олимпијакос славеа како гости бво Монако и Барселона, во првите плеј-оф натпревари во Евролигата.
Фенербахче, во малото кнежевство славеше по дополнителните пет минути со 95:91. Во регуларниот дел натпреварот заврши 81:81. Победата на Фенер ја засени повредата на Скоти Вилбекин, кој веројатно нема да биде подготвен за вториот натпревар.
Во победничкиот тим најефикасен беше Најџел Хејс-Дејвис со 19 поени, Ник Калатес додаде 17, а Нејтан Сестина 16 поени.
Во редовите на Монако Ели Окобо имаше 19, а Џордан Лојд и Мајк Џејмс постигнаа по 16.
Следниот натпревар се игра на истото место во петок на 26 април од 19 часот.
Олимпијакос во „Палау Блауграна“, го контролираше натпреварот од првата до последната секунда и заслужено ја победи Барселона со 77:75. Имаше Олимпијакос 13 поени предност во третиот период, Барселона се врати во мечот со серија 8:0. До крајот на натпреварот играчите на грчкиот тим ги одбија сите напади на Барселона.
Црвено-белите до брејк стигнаа со 15 поени на Најџел Вилијамс-Гос, 14 на Ајзеа Кенан, додека Петрушев имаше 12 со пет скока, а Мустафа Фал 11 поени.
Во тимот на Барселона Вили Ернангомез и Џабари Паркер постигнаа по 13 поени, Алекс Абриаес 11, а Рики Рубио 10 поени.
Вториот меч на програмата е во петок во Барселона.
Спорт
(Видео) Аталанта ќе се бори за трофејот во Купот на Италија
Аталанта вечерва избори пласман во финалето, во Кушот на Италија. Во реваншот, талнат ја победи Фиорентина со 4:1.
Предноста со која Фиорентина допатува во Бергамо ја анулира Копмајнерс во осмата минута.
Фиорентина остана со фудбалер помалку во 53.минута, кога Миленковиќ како последен човек во одбраната направи фаул врс Скамака.
И со играч помалку Фиорентина успеа да изедначи преку Мартинез Кватра во 68.минута. Работите во вкупниот резултат ги врати Скамака со евро-гол во 75.минута.
Драмата кулминираше во самиот финиш Лукман погоди во 95. за 3.1, а три минути подоцна точка на натпреварот стави Пашалиќ.
Фиорентина сигурно ќе има жестоки поплаки за судењето на Ла Пења. Впечаток е дека Фиорентина не доби пенал при водство на Аталанта 1:0, а исто така спорен е почетокот на акцијата при третиот гол, кога Бираги беше фаулиран, а и спорна е позицијата на стрелецот на голот Лукман.
Таму ги чека Јувентус кој претходно го победи Лацио.
Финалето е закажано за 15 мај.
Спорт
(Видео) Евертон ги згасна шампионските сништа на Ливерпул
Шампионските сништа на Ливерпул во „Мерсисајд“ дербито ги згасна Евертон. „Карамелите“, вечерва славеа со 2:0 и прв пат по 14 години славеа како домаќини над градскиот ривал.
Корнерите му пресудија на Ливерпул на „Гудисон парк“. Најпрвин реализираше Брејтвајт во 27., а точка на мечот стави Калверт-Лувин во 58.минута.
Ливерпул остана втор на табелата со три бода помалку од Арсенал, трет е Манчестер сити со четири бода и два натпревари помалку.
Евертон, со сите проблеми што ги има сезонава (одземањето на бодови), се чини дека со овој триумф го обезбеди опстанокот во лигата.
На „Олд Трафорд“, нова мачна партија на Манчестер јунајтед. Тимот на Тен Хаг губеше до 61.минута од најслабиот тим во Премиер лигата. На крајот „црвените ѓавли“ славеа со 4:2.
Шефилд поведе во 35. минута преку Богл, а Мегваер израмни во 42. Гостите го вратија водството во 50. минута, кога Чилеанецот Бреретон-Дијаз го совлада Онана. Бруно Фернандеш од пенал во 61. минута изедначи на 2:2.
Во финишот дојде до израз напаѓачкиот квалитет на Јунајтед, па домашните славеа со головите на Бруно Фернандеш во 81. минута и Хојлунд во 85. минута.
Кристал Палас е во одлична форма под водство на новиот менаџер Оливер Глезнер, а по Ливерпул и Вест Хем неговата сила ја почувствува и Њукасл. Двоен стрелец беше Матета во 55. и 88. минута.
Во Вулверхемптон, Бурнемаут со голот на Семења во 37. минута победи со 1:0.