Спорт
Хамилтон ќе заработува 40 милиони фунти годишно во Мерцедес
Луис Хамилтон се договорил да потпише нов договор со Мерцедес, со кој ќе заработува 40 милиони фунти годишно и ќе остане најплатениот британски спортист, тврди британскиот весник „Дејли мејл“.
Преговорите меѓу Мерцедес и 33-годишниот Хамилтон траат пов…
Луис Хамилтон се договорил да потпише нов договор со Мерцедес, со кој ќе заработува 40 милиони фунти годишно и ќе остане најплатениот британски спортист, тврди британскиот весник „Дејли мејл“.
Преговорите меѓу Мерцедес и 33-годишниот Хамилтон траат повеќе од една година, но сега четирикратниот шампион, конечно, се согласил на условите на тимот. Договорот ќе го обврзе Англичанецот да остане во Мерцедес до 2020 година, без опција за 2021, бидејќи договорите на сите тимови со сопствениците на спортот завршуваат таа 2020 и се очекуваат драстични промени, вклучувајќи ја можноста Мерцедес воопшто да не биде во Ф1.
Според „Дејли мејл“, договорот ќе биде објавен пред домашното Британско ГП на 8 јули, и се очекува да биде последен во кариерата на Хамилтон, кој ќе има 36 години во 2020, иако тој одамна изјави дека би сакал кариерата да ја заврши во Ферари.
Хамилтон се врати на лидерското место во генерален пласман во неделата со победа на Француското ГП, за да има 14 поени предност пред Себастијан Фетел во Ферари.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ендика немал срцев удар, може повторно да игра
Еван Ендика колабираше на теренот на Фриули, но не беше ништо сериозно, па му беше дозволено да се врати на теренот.
Најпрво се чинеше дека играчот на репрезентацијата на Брегот на Слоновата Коска има проблеми со срцето. Сепак, тоа не беше така, а тренерот Даниеле де Роси откри дека се работи за белите дробови.
– Тешко е да се справиме со моменталната белодробна инсуфициенција. За среќа, се се заврши добро. Нема проблем со срцето – од тоа првично се плашевме – изјави Де Роси.
Ендика бил пуштен од болница и можел да се врати на терен. Самиот натпревар помеѓу Удинезе и Рома беше прекинат во 70. минута при резултат 1:1.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024