Спорт
Хаос во Спортинг, тренерот суспендиран, играчите со закани кон клубот
Спортинг Лисабон, клуб за кој настапува македонскиот репрезентативец Стефан Ристовски, реши да го суспендира тренерот Жорж Жесус, откако двете страни не најдоа компромис за спогодбен раскин на договорот.
По уште една неуспешна сезона во која „лавовите“…
Спортинг Лисабон, клуб за кој настапува македонскиот репрезентативец Стефан Ристовски, реши да го суспендира тренерот Жорж Жесус, откако двете страни не најдоа компромис за спогодбен раскин на договорот.
По уште една неуспешна сезона во која „лавовите“ од Лисабон, не успеаја да изборат пласман во Лигата на шампионите, челниците сакаат да го раскинат договорот со Жесус. Тој се согласил да замине меѓутоа не сака да се откаже од 7,5 милиони евра, сума која треба да му припадне доколку биде отпуштен.
Претседателот Бруно де Карваљо, кој извесен период е во исклучитечно лоши односи со Жесус, и раководството на клубот решија да го суспендираат тренерот. Ова значи дека тој нема да може да го предводи тимот во последниот натпрвевар во сезоната, финалето на Купот против Авеш.
Сепак прашање е дали челниците ќе ја испочитуваат својата одлука бидејќи играчите се заканиле дека нема да го играат натпреварот доколку 63-годишниот тренер не биде на клупата.
Финалето во Купот на Португалија ќе се одигра в сабота.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.