Спорт
Црвено-црн дебакл, Вардар елиминиран од Пјуник
Вардар, минатата сезона, имаше блескава сезона во Лига Европа, успеа да стигне до главата фаза, но во актуелната сезона европскиот пат го заврши во првото коло. Црвено-црните не успеаја да го мина ерменски Пјуник во дво мечот. Првиот меч во Ерменија му…
Вардар минатата сезона имаше блескава сезона во Лига Европа, успеа да стигне до главата фаза, но во актуелната сезона европскиот пат го заврши во првото коло. „Црвено-црните“ не успеаја да го минат Пјуник од Ерменија во двомечот. Првиот меч во Ерменија му припадна на Пјуник 1:0, а вечерва во Скопје постигна гол повеќе и славеше со 2:0.
Шок-терапијата и отказот што во понеделникот му беше врачен на тренерот Бобан Бабунски не ги раздвижи фудбалерите на Вардар, кои слично како и на првиот меч во Ереван одиграа потпросечен натпревар.
„Црвено-црните“ во првиот дел не создадоа ниту една шанса за гол, сериозно не се ни заканија кон голот на Пјуник, напротив, гостите се тие што беа поблиску до постигнување гол.
Се чини дека шансата за пласман во втората рунда Вардар ја прокоцка на почетокот на второто полувреме кога Барсегјан двапати не успеа да постигне гол, во 47. и 51. минута.
Кога Вардар ги пропушти своите шанси, повторно завладеа летаргија во играта на „црвено-црните“, а Пјуник трпеливо ја чекаше и ја дочека својата шанса во 85. минута кога Балде го постигна првиот, а три минути подоцна истиот играч стави точка на натпреварот и мизерното издание на Вардар.
Елиминацијата на Вардар само го заокружи катастрофалото издание на македонските претставници во Лига Европа оваа сезона бидејќи во вторникот, во првото квалификациско коло, беа елиминирани Шкупи и Работнички.
фото: fkvardar.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барселона сака да го врати Олмо
Дани Олмо, веројатно ќе го напушти Лајпциг во летниот преоден рок. Шпанскиот репрезентативец има откупна клаузула од 60.000.000 евра, сума која за богатите клубови не претставува никаков проблем.
Меѓу заинтересираните екипи се Манчестер јунајтед, Баерн и Барселона, од чија младинска школа потекнува Олмо.
Шпанецот оваа сезона одигра 22 натпревари за Лајпциг, постигна осум гола и забележа пет асистенции.
Како јуниор од Барселона премина во Динамо Загреб, како дел од трансферот на Ален Халиловиќ, а потоа за 29 милиони евра се пресели во Лајпциг.
Спорт
Ферстапен на пол-позицијата во Кина, Хамилтон ќе стартува од 18.место
Макс Ферстапен по победата во спринтот, доминираше и во квалификациите во пресрет на трката за Големата награда на Кина. Апсолутната доминација на Ред Бул ја потврди Серхио Перез кој трката ќе ја стартува од второто место.
Актуелниот светски првак со време 1:33.660 ја освои 37 пол-позиција во кариерата, а на Ред Бул му ја донесе јубилејната 100. победа во квалификациите.
Зад возачите на Ред Бул, од вториот ред трката ќе ја започнат Фернандо Алонсо (Астон Мартин и Ландо Норис (Мекларен).
Во Топ 10 место изборија Оскар Пјастри (Мекларен), двоецот од Ферари, Шарл Леклер и Карлос Саинц, односно Џорџ Расел (Мерцедес), Нико Хулкенберг (Хас) и Валтери Ботас (Заубер).
Во квалификациите потфрли Луис Хамилтон. Седумкратниот светски првак, откако спринт трката ја заврши на второто место, во квалификациите заврши на 18.место.
Траката за Големата награда на Кина, утре ќе започне во 9 часот по македонско време.
Спорт
Капитенот на Реал го напушта клубот на крајот од сезоната
На капитенот на Реал, Начо Фернандез (34) му истекува договорот на крајот од сезоната. „Марка“ објави дека Начо го известил Флорентино Перез дека нема да потпише нов договор туку дека ќе го напушти клубот по истекот на постоечкиот.
Начо оваа сезона забележа 36 настапи и главно беше стартер, акумулирајќи 2497 минути на теренот. Сепак, тоа се должи на повредите на Давид Алаба, Едер Милитао и Антонио Ридигер.
Анчелоти претходно изјави дека случајот на Начо е идентичен со оној на Лука Модриќ и Тони Крос. Поточно, тој му порачал дека доколку како клупска легенда сака да потпише нов договор и да остане во Реал, може да го стори тоа. Очигледно тој решил поинаку.
Начо целата своја кариера е во Реал, со клубот освои 24 трофеи и одигра вкупно 348 натпревари, на кои постигна 16 гола, иако никогаш не беше прво име на одбраната.
Начо има 24 настапи и за шпанската репрезентација со која лани ја освои Лигата на нации. „Трансфермаркт“ неговата вредност ја проценува на пет милиони евра.
Според медиумите, Начо, кариерата ќе ја продолжи во Серија А, наводно прв фаворит за неговиот потпис е Интер.