Спорт
Челси го потврдија Маурицио Сари, тој вети возбудлив и атрактивен фудбал
Челси, конечно, по долга трансфер сага, потврдија дека Италијанецот Маурицио Сари е нивниот нов менаџер. Сари потпиша тригодишен договор со клубот од „Стемфорд бриџ“ и доаѓа на местото на сонародникот Антонио Конте, кој беше отпуштен вчера.
Ангажирањет…
Челси, конечно, по долга трансфер сага, потврдија дека Италијанецот Маурицио Сари е нивниот нов менаџер. Сари потпиша тригодишен договор со клубот од „Стемфорд бриџ“ и доаѓа на местото на сонародникот Антонио Конте, кој беше отпуштен вчера.
Ангажирањето на поранешниот тренер на Наполи доаѓа по долг период на шпекулации, и по одложувања поради сумата која „сините“ требаа да ја платат на Наполи за да го ослободат од договорот со клубот. Челси веќе една недела почнаа со тренинзите и Сари вели дека е нестрплив да почне со работа.
„Едвај чекам да почнам со работа и да се запознаам со фудбалерите во понеделник пред да патуваме во Австралија. Се надевам дека на нашите фанови ќе им понудам забавен фудбал и дека ќе се натпреваруваме за трофеи на крајот на сезоната, како што овој тим заслужува“, вели Сари.
Директорката на фудбал на Челси, Марина Грановскаја, вели дека Сари треба да донесе фудбал кој ќе ги воодушеви фановите.
„Пресреќни сме што можеме да му посакаме добредојде на Маурицио и едвај чекаме неговата фудбалска филозофија да пристигне во Челси. Наполи под Сари го играше највозбудливиот фудбал во Европа, импресионирајќи со приодот, динамиката и тренерските методи. Тој има искуство во Серија А и во Лигата на шампионите и тоа му дава одлична шанса да работи успешно во Премиер лигата“, изјави Грановскаја.
Maurizio Sarri is the new Chelsea head coach!
Full story: https://t.co/qQwb5xZT3f#WelcomeSarri pic.twitter.com/DCNfoVCoz6
— Chelsea FC (@ChelseaFC) July 14, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ѓоковиќ: Горан е член на семејството, пријател
Ден по веста дека Новак Ѓоковиќ и Горан Иванишевиќ ја прекинаа соработката, српскиот тенисер тренираше во Белград, во Кошутњак со Ненад Зимоњиќ.
Хрватските медиуми во Белград, се обидоа да добијат дополнителни одговори, зошто тенисерот и тренерот ја прекинаа соработката.
Ѓоковиќ се подготвува за Мастерсот во Монте Карло.
Српскиот ас не сакаше да дава дополнителни коментари на актуелната тема, но љубезно им се заблагодари на сплитските новинари.
„Сега не можам ништо да коментирам, извинете што нема да ви го дадам тоа што го барате, но ви благодарам што дојдовте. Добредојдени сте да останете овде, но јас и Горан ја завршивме нашата соработка. Ја видовте објавата, така што…“, рече Ѓоковиќ и додаде.
„Горан е член на семејството, пријател засекогаш и така ќе биде. Професионално едноставно се разделивме, направивме историски резултат – најтрофејниот играч и тренер досега, па мислам дека се е кажано во тоа смисла“.
Спорт
Интер сериозно заинтересиран за голманот на Бразил
Бразилскиот голман Бенто (24), максимално ја искористи шансата која му се укажа по повредите на Алисон Бекер и Едерсон.
Бенто го бранеше голот на Бразил на неодамнешните пријателски натпревари против Англија (1:0) и Шпанија (3:3).
Она што го демонстрираше на „Вембли“ и „Сантијаго Бернабеу“ не мина незабележано, иако од претходно е на радарот на европските клубови. Наводно интерес за Бенто покажуваат Интер, Челзи, Нотингем Форест.
Бразилските медиуми пишуваат дека Атлетико Параненсе за него ќе бара отштета од 20.000.000 евра, а италијанските медиуми пренесуваат дека најблиску до него е Интер. Во клубот сметаат дека добро е Јан Сомер да добие силна конкуренција, а исто така Бразилецот би бич залог за иднината бидејќи има само 24 години.
Спорт
Јувентус најде тренер за следната сезона
Болоња е хитот на сезоната во Серија А. Тимот кој од клупата го предводи Тиаго Мота се бори за место во Лигата на шампионите. Она што е извесно е дека Мота на крајот од сезоната ќе ја напушти Болоња.
Медиумите на Апенинскиот полуостров го поврзуваа со Милан, но тоа нема да се случи. Поранешниот фудбалер на Интер, во овој момент е најблиску до клупата на Јувентус.
Мота ќе го наследи Масимилијано Алегри од чија работа во клубот од Торино не се задоволни.
До пред два месеци Јувентус се тркаше со Интер за шампионската титула, но откако на последните осум натпревари „старата дама“ забележа една победа, тимот на Алегри сега се бори за второот место со Милан.
Наводно, челниците на Јувентус и Алегри спогодбено ќе го раскинат неговиот договор кој важи до јуни 2025 година. За да се реализираа ова работа, двете страни треба само да ја договорат оштетата која ќе му биде исплатена на тренерот.