Спорт
Шампионот немоќен против Торонто, Сакраменто вози на српски погон (Видео)
Победата на Торонто Репторс над Голден стејт Вориорс (113:93), монструозната партија на Ентони Дејвис од Њу Орлеанс Пеликас против Оклахома Тандер, сензационалниот Лука Дончиќ од Далас Маверикс и рекордите 19 тројки што ги постигнаа кошаркарите на Сакр…
Победата на Торонто Репторс над Голден стејт Вориорс (113:93), монструозната партија на Ентони Дејвис од Њу Орлеанс Пеликас против Оклахома Тандер, сензационалниот Лука Дончиќ од Далас Маверикс и рекордите 19 тројки што ги постигнаа кошаркарите на Сакраменто Кингс ставија печат на натпреварите во НБА лигата кои се одиграа изминатата ноќ.
Торонто Репторс сериозно ја истакнуваат кандидатурата за првото место во лигата. Репторс без најдобриот играч, Кави Ленард, лесно се справија со бранителите на титулата Голден стејт Вориорс.
Серж Ибака и Кајл Лаури ги предводеа Репторс до 23. победа во 30. натпревар сезонава. Лаури забележа 23 поени и 12 асистенции, а Ибака 20 поени и 12 скока. Кај Вориорс се истакна само Кевин Дурент со 30 поени, седум скока и пет асистенции. Вориорс имаат 19 победи и 10 порази.
Њу Орлеанс Пеликанс во драматичен меч славеа над Оклахома Тандер со 118:114. Ентни Дејвис беше незапирлив, шутираше од поле со 50-отсто успешност, а натпреварот го заврши со 44 поени и 18 скока.
Покрај Дејвис, дабл-дабл, кај Пеликанс запишаа Џулиус Рендл (22 поени, 12 скока) и Џру Холидеј (20 поени, 10 асистенции). Во редовите на Оклахома четворица кошаркари постигнаа 20 или повеќе поени. Најефикасен беше Пол Џорџ со 25 поени и 11 скока, Денис Шрудер постигна поен помалку, а по 20 коша уфрлија Расел Вестбрук и Стивен Адамс.
Лука Дончиќ продолжи со брилијантните игри во дресот на Далсс Маверикс. Во победата на Далас над Атланта 114:107, тој забележа 24 поени, 10 скока и шест асистенции. Ова беше 13.меч од почетокот на сезоната на кој Словенецот постигнал 20 или повеќе поени.
Сакраменто Кингс, во исклучително ефикасен натпревар, ги совладаа Минесота Тимбервулвс 141:130. Кингс погодија 19 тројки од 38 рекорди што е нов рекорд на оваа франшиза.
Блескаше српскиот тандем Немања Бјелица и Богдан Богдановиќ. Бјелица против својот поранешен тим постигна 25 поени, а Богдановиќ забележа 20 поени, пет скока и шест асистенции.
Ендру Вигинс со 25 поени беше најефикасниот кошаркар на Минесота, 20 поестигна Дерик Роуз, а Дарио Шариќ забележа 18 поени.
На другите натпревари Бостон Селтикс по продолжението славеа над Вашингтон Визардс 130:125, Малик Моунг во последната секунда погоди за победа на Шарлот над Детроит 108:107, Бруклин ја надигра Филалдлефија со 127:124, Мемфис славеше над Портланд 92:83, а Индијана го победи Милвоки 113:97.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитров го растури Алкараз во Мајами
Григор Димитров го победи Карлос Алкараз со 6:2, 6:4 во четвртфиналето на Мастерсот во Мајами. Ова беше петти меѓусебен дуел на Бугаринот и Шпанецот и втора победа по ред за Димитров.
„Направи да се чувствувам како да имам 13 години“ – го опиша Карлос Алкараз поразот од Бугаринот
„Не се сеќавам некој да ме натерал да се чувствувам вака. Вакво нешто одамна не ми се случило. Не знаев што да правам. Барав решенија, но тој не ми даде. Почувствував неверојатна фрустрација.“
А 32-годишниот Димитров навистина одигра перфектно. Мечот го заврши со 24 винери.
„Генијалноста е често во едноставноста. Знаев дека морам да бидам поагресивен, да ги водам поените. Против него е многу тешко да се направи тоа“ – објасни Бугаринот како го победи шампионот на Индијан Велс.
Можеше и побрзо да победи бидејќи водеше со 4:1 во вториот сет, но потоа Алкараз успеа да врати еден брејк, но не успеа да се врати во мечот.
Спорт
Тонали сега е на удар и на Англичаните поради обложувањето
Играчот од средниот ред на Њукасл, Сандро Тонали е под истрага од Фудбалската асоцијација (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч го прекршил правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението за медиумите на клубот.
Тонали пристигна во Њукасл минатиот јули во трансфер вреден 60 милиони фунти од Милан.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.