Спорт
Шампионот со тесна победа! Работнички остана непоразен во Аеродром
Првото големо дерби на македонската кошарка им припадна на гостите, откако шампионот Работнички стигна до интересна 90:88 победа на гости кај МЗТ Скопје Аеродром за да го задржи совршениот старт на новата сезона во Суперлигата.
Иако резултатот беше тес…
Првото големо дерби на македонската кошарка им припадна на гостите, откако шампионот Работнички стигна до интересна 90:88 победа на гости кај МЗТ Скопје Аеродром за да го задржи совршениот старт на новата сезона во Суперлигата.
Иако резултатот беше тесен и победникот се решаваше во последните минути од мечот, тимот на Марин Докузовски водеше во текот на целиот меч, откако направија +9 на почетокот на мечот, но дозволија „металците“ да се вратат. На полувреме Работнички имаше предност од +3 (45:48), по што во во второто полувреме МЗТ беше екипата во „лов“, пред Работнички да се одвои на 67:59 во третата четвртина.
Сепак, „нишалото“ повторно се сврте на страната на домаќините кои влегоа во последната четвртина со само еден поен негатива, а поведе првпат од стартот на мечот.
Марјан Јанески беше фантастичен за шампионите со дури 30 поени, од кои шест „тројки“, а Чавдар Костов додаде 20, додека кај МЗТ, Андрија Бојиќ имаше 21 поен, а Дамјан Стојановски додаде 14. Ова е прв домашен пораз на МЗТ оваа сезона и втор вкупно, додека Работнички имаат совршени 5-0.
МЗТ СКОПЈЕ АЕРОДРОМ – РАБОТНИЧКИ 88:90 (21:23, 23:25, 23:20, 21:20)
Фото: МЗТ Скопје Аеродром
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.