Спорт
Шампионска „дупка“ – Дејвис ги „крена“ Веспрем за победа во Монпелје!
Освојувањето на титулата од Лигата на шампионите како да беше клетва за францускиот ракометен клуб Монпелје, кој и во петтиот натпревар од новата сезона не успеа да победи, губејќи драматично со 29:30 од уште еден клуб кој имаше проблеми во последно вр…
Освојувањето на титулата од Лигата на шампионите како да беше клетва за францускиот ракометен клуб Монпелје, кој и во петтиот натпревар од новата сезона не успеа да победи, губејќи драматично со 29:30 од уште еден клуб кој имаше проблеми во последно време, унгарскиот гигант Веспрем.
Веспрем минатата недела беше во хаос откако тимот го избрка тренерот Љубомир Врањеш и го донесе нашиот добар познаник, Дејвид Дејвис, поранешниот помошник на Раул Гонзалез во Вардар и екстренер на ЖРК Вардар. Мануел Штрлек ги предводеше Веспрем со шест гола, а пет имаше Нилсон, додека на Монпелје им беа залудни седумте гола на Ришардсон.
Барселона пак, имаше проблеми во Белорусија, но на крајот стигна до убедлива 29:21 победа над Мешков Брест по тесното прво полувреме. Мортенсен, Мем и Гомез имаа по пет гола за Барса, а за домаќините Обрановиќ и Ѓукиќ имаа исто така по пет. Ова е четврта победа во низа за Блауграна по почетниот пораз од Рајн-Некар Левен и сега тие се израмнети на првото место во групата А со Вардар, иако „црвено-црните“ имаат четири победи и ниту еден пораз и натпревар помалку.
Шпанскиот Адемар пак, извлече победа од 26:25 во Швајцарија против Тун за да избие на првото место во групата Д.
ЛИГА НА ШАМПИОНИ, 5.КОЛО
Мешков Брест – Барселона 21:29 (14:15)
Монпелје – Веспрем 29:30 (16:14)
Тун – Адемар 25:26 (12:15)
Татран Прешов – Спортинг 27:30 (13:15)
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.
Спорт
„Мундо депортиво“: Зидан се договорил со Баерн Минхен
Зинедин Зидан ќе биде новиот тренер на Баерн Минхен, пренесува каталонскиот „Мундо Депортиво“. Зидан е без работа откако го напушти Реал Мадрид пред три години.
„Дознаваме дека преговорите се при крај, дури и двете страни сметаат дека се е готово и практично завршено. Зидан само побарал да му се доведат засилувања, особено во одбраната“, тврдат овој извор.
Зидан планираше да стане селектор на Франција, но Дидие Дешамп и понатаму останува на таа позиција. Од друга страна, Баерн, кој по 11 години остана без титулата германски шампион, сакаше да го доведе германскиот селектор Јулијан Нагелсман, но тој го продолжи договорот до 2026 година.
Претходно ПСЖ и Манчестер јунајтед се обидоа да го доведат Зидан, но тој ги одби нивните понуди.
Зидан, 51-годишникот од Марсеј, освои три ЛШ со Реал Мадрид, две шампионски титули на Шпанија, по два УЕФА и шпански Суперкупа, две титули на Светското клупско првенство…
Спорт
Рома преговара за трансферот на Киеза
Тренерот на Рома, Даниеле Де Роси, кој го продолжи договорот со клубот, е голем фан на фудбалерот на Јувентус, Федерико Киеза. Де Роси не кри дека би сакал да го има во својот тим крилниот напаѓач.
Де Роси работеше со него додека му беше асистент на Роберто Манчини во италијанската репрезентација.
Договорот на Киеза со Јувентус истекува во јуни 2025 година, што значи дека ова лето влегува во последната година од истиот.
Тоа значи дека ова лето е веројатно последна шанса клубот да заработи нешто од неговата продажба.
Свесни за ова, челниците на Рома веќе закажале состанок со неговиот менаџер Фали Рамадани.
Покрај Рома, интерес за Киеза покажува и Њукасл.