Спорт
Шпанија, Франција, Данска и Шведска со рутински пласман во втората фаза
Фаворитите на Светското првенство во Германија и Данска немаа проблеми да ги забележат третите победи во третото коло на Мундијалот и да обезбедат пласман во наредната групна фаза.
Во нашата група Б, Шпанија дозволи Јапонците да имаат полувреме на кое …
Фаворитите на Светското првенство во Германија и Данска немаа проблеми да ги забележат третите победи во третото коло на Мундијалот и да обезбедат пласман во наредната групна фаза.
Во нашата група Б, Шпанија дозволи Јапонците да имаат полувреме на кое отидоа со предност (10:11), пред на крајот да стигнат до 26:22 победа за трет триумф во низа пред дуелите со Македонија и Хрватска. Феран Соле повторно беше најефикасен со шест гола, пред Рубен Ентрериос со пет гола во меч во кој „фуријата“ се штедеше.
И Французите имаа слабо прво полувреме, пред на крајот со 34:23 да ја победат обединетата Кореја и да се вратат на првото место во групата А, со поен пред Германија и два поени пред Русија. Кентин Мае беше најефикасен со шест постигнати голови, додека по четири имаа Н’Гесан, Ремили и Абало.
Домаќините Данска го „торпедираа“ тимот на Саудиска Арабија со 34:22 за да останат на врвот на групата Ц заедно со нордиските ривали Норвешка со максимален учинок, додека Швеѓаните немаа проблем со Ангола за 37:19 победа и сега се први во групата Д пред Унгарија и Катар. Ландин имаше седум гола за Данците, а Нилсен и Закариасен по пет гола.
СВЕТСКО ПРВЕНСТВО ГЕРМАНИЈА/ДАНСКА, 3.КОЛО
ГРУПА Б
Исланд – Бахреин 36:18 (16:10)
Македонија – Хрватска 22:31 (11:16)
Шпанија – Јапонија 26:22 (10:11)
Табела: 1.Шпанија 6, 2.Хрватска 6, 3.Македонија 4, 5.Исланд 2, 5.Јапонија 0, 6.Бахреин 0
ГРУПА А
Србија – Бразил 22:24 (11:14)
Русија – Германија 22:22 (10:12)
Франција – Кореја 34:23 (17:16)
Табела: 1.Франција 6, 2.Германија 5, 3.Русија 4, 4.Бразил 2, 5.Србија 1, 6.Кореја 0
ГРУПА Ц
Тунис – Чиле 36:30 (18:15)
Норвешка – Австрија 34:24 (16:13)
Данска – Саудиска Арабија 34:22 (17:11)
Табела: 1.Данска 6, 2.Норвешка 6, 3.Австрија 2, 4.Тунис 2, 5.Чиле 2, 6.С.Арабија 0
ГРУПА Д
Унгарија – Катар 32:26 (16:11)
Аргентина – Египет 20:22 (9:8)
Шведска – Ангола 37:19 (19:14)
Табела: 1.Шведска 6, 2.Унгарија 5, 3.Катар 2, 4.Ангола 2, 5.Египет 2, 5.Аргентина 1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.