Спорт
Ѓоковиќ го декласира Нишикори во полу-финалето на Ју-Ес Опен
Новак Ѓоковиќ ќе се бори за трофејот на последниот гренд слем турнир во сезоната, Ју-Ес Опен. Србинот во полу-финалето, без поголеми проблеми го победи Кеи Нишикори со 6:3, 6:4, 6:2. Ѓоковиќ осми пат ќе игра финалето на Флешинг Медоуз, а негов противни…
Новак Ѓоковиќ ќе се бори за трофејот на последниот гренд слем турнир во сезоната, Ју-Ес Опен. Србинот во полу-финалето, без поголеми проблеми го победи Кеи Нишикори со 6:3, 6:4, 6:2. Ѓоковиќ осми пат ќе игра финалето на Флешинг Медоуз, а негов противник ќе биде Хуан Мартин дел Потро.
Речиси два и пол часа траеше репризата на полу-финалето од 2014 година, со една разлика што во 2018 Нишикори немаше шанси против мотивираниот противник. Ѓоковиќ мечот го отвори со брејк, а потоа без проблеми успеа и да го реши првиот сет со 6:3.
Почетокот на вториот сет беше клучен за она како понатаму се одвиваше мечот. Првите два гема во овој сет траеја 25 минути. Двајцата пропуштија неколу топки за брејк, но ги сочуваа своите сервиси.
Ѓоковиќ и понатаму вршеше силен притисок на сервисот на противникот, а брејк направи во петтиот гем, потоа го потврди истиот и набргу го затвори сетот со 6:4.
Во последниот сет Нишикори се предаде, а Ѓоковиќ со два брејка стигна до триумф и пласман во финалето.
WHAT. A. FINISH.@djokernole reaches his 8th final in Flushing Meadows (23rd overall) after defeating Nishikori 6-3, 6-4, 6-2!#USOpen pic.twitter.com/vXIUeiPqD4
— US Open Tennis (@usopen) September 8, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дали Премиер лигата е најсилна во светот на фудбалот?
Сезоната 2023/2024 во европските купови стана вистински кошмар за клубовите од најсилната лига во светот, англиската Премиер лига.
Во завршницата, Премиер лигата има само еден тим. Честа на англиското фудбал ја брани Астон Вила и тоа во третото според ранг европско натпреварување, Конференциската лига.
Англија нема претставник во Лигата на шампионите, откако Манчестер сити и Арсенал беа елиминирани во средата, во четвртфиналето, а претходно Манчестер јунајтед и Њукасл испаднаа во фазата по групи.
Во елитното натпреварување Премиер лигата доживеа вистински дебакл, бидејќи англиските тимови освоија три титули во последните пет сезони.
Синоќа, во четвртфиналето сезоната во Лига Евопа ја завршија Ливерпул и Вест Хем. Во
За прв пат по девет години ниту, Англија нема полуфиналист во двете најсилни европски натпреварувања.
Честа на англискиот фудбал остана да ја брани Астон Вила. Клубот од Бирмингем во полуфиналето ќе игра против Олимпијакос.
Спорт
Дождот направи хаос, Норис пред Хамилтон и Алонсо на пол-позицијата за спринт-трката во Шангај
Ландо Норис најдобро се снајде во хаотичните услови во квалификациите за првата спринт трката оваа сезона во Формула 1, Големата награда на Кина.
Дождот им создаде големи проблеми на возачите, а во такви услови најдобар беше пилотот на Мекларен. Норис забележа време 1:57.940 минути, кое беше за 1,2 секунди подобро времето на Луис Хамилтон (Мерцедес) и 1,9 секунди побрзо од времето на Фернандо Алонсо (Астон Мартин).
Искуството на Хамилтон и Алонсо пресуди во борбата со пилотите на Ред Бул и Ферари кои возат подобри болиди.
Актуелниот светски првак, Макс Ферстапен спринтот в Шангај ќе го започне од четвртото место, зад него се Карлос Саинц (Ферари), Серхио Перез (Ред Бул), Шарл Леклер (Ферари), Оскар Пјастри (Мекларен), Валтери Ботаси и Жу од Заубер.
Спринт трката во пресрет на Големата награда на Кина, утре се вози во 5 часот по македонско време. Квалификациите за главната трка ќе се одржат четири часа подоцна. Големата награда на Кина започнува во недела во 9 часот.
Спорт
„Им посакувам сѐ најдобро на моите браќа на Олимпијадата, јас не сум доволно добар“
Кошаркарот на Далас Кајри Ирвинг не се најде на списокот на репрезентацијата на САД за претстојните Олимписки игри во Париз.
Плејмејкерот на Маверикс изјави дека не е изненаден што не е меѓу 12-те избрани за олимпискиот турнир.
Ирвинг, освои злато со тимот на САД на Олимпијадата во 2016 година во Рио де Жанеиро.
„Им посакувам се најдобро на моите браќа. Едноставно не бев доволно добар за овој тим“, рече Ирвинг.
„Процесот на изборот беше тежок. Но, повторно, немам ништо друго освен почит кон овие момци. Во овој момент од мојата кариера, мислам дека мојот фокус треба да биде на освојување на шампионатот“, додаде бекот на Далас.
Тимот на Стив Кер во Париз го сочинуваат Леброн Џејмс, Девин Букер, Џејсон Тејтум, Кави Ленард, Џоел Ембид, Тајрис Халибартон, Џру Холидеј, Бем Адебајо, Стеф Кари, Ентони Дејвис, Ентони Едвардс и Кевин Дурент.