Спорт
Јовиќ пак го „крена“ Ајнтрахт, спектакуларен кам-бек на Бешикташ (видео)
Ајнтрахт Франкфурт и Челси го продолжија „походот“ во Лига Европа, откако стигнаа до нивната петта победа во пет меча во натпреварувањето на УЕФА, со идентични и убедливи 4:0.
Ајнтрахт со 4:0 го декласираше Олимпик Марсеј на „Комерцбанк-арената“, блада…
Ајнтрахт Франкфурт и Челси го продолжија „походот“ во Лига Европа, откако стигнаа до нивната петта победа во пет меча во натпреварувањето на УЕФА, со идентични и убедливи 4:0.
Ајнтрахт со 4:0 го декласираше Олимпик Марсеј на „Комерцбанк-арената“, бладарение на двата гола на 20-годишниот српски напаѓач Лука Јовиќ, кој подолго време е на „мета“ на најголемите европски клубови.
Во истата група Х, Ајнтрахт и Лацио веќе имаа обезбедено пласман, по што Лацио загуби неочекувано со 2:0 од Аполон Лимасол од Кипар, благодарение на еден спектакуларен гол на Французнот Давид Фопала.
Челси, кои, исто така имаа обезбедено пласман во нокаут фазата со 4:0 го „наполнија“ ПАОК од Солун со двата гола на Оливие Жиру и по еден на Алваро Мората и Калам Хадсон-Одои. ПАОК од седмата минута играше со играч помалку.
Најдраматично беше во групата И, каде што патникот во нокаут фазата ќе се одлучува во последното коло. Бешикташ ги надомести двете катастрофални грешки на голманот Лорис Кариус и негатива од 2:0 од првото полувреме, за со вториот гол на Џермејн Ленс во 90. минута да извлече супер-важна 3:2 победа.
И Малме имаше слично враќање, откако од 0:2 домашна негатива против Генк, исто така извади 2:2. Генк е лидер со 8 поени, Бешикташ сега има 7, а во игра се и Малме со 6 и Сарпсборг со 5.
ЛИГА ЕВРОПА, 5.КОЛО
ГРУПА Г
Глазгов Ренџерс – Вилјареал 0:0
Табела: Вилјареал 7, Рапид В 7, Ренџерс 6, Спартак М 5
ГРУПА Х
Аполон – Лацио 2:0
Ајнтрахт Франкфурт – Марсеј 4:0
Табела: Ајнтрахт 15, Лацио 9, Аполон 4, Марсеј 1
ГРУПА И
Малме – Генк 2:2
Сарпсборг – Бешикташ 2:3
Табела: Генк 8, Бешикташ 7, Малме 6, Сарпсборг 5
ГРУПА Ј
Стандард Лиеж – Севилја 1:0
Табела: Краснодар 12, Лиеж 10, Севилја 9, Акхисар 0
ГРУПА К
Јаблонец – Рен 0:1
Табела: Динамо К 11, Астана 8, Рен 7, Јаблонец 3
ГРУПА Л
Челси – ПАОК 4:0
Табела: Челси 15, БАТЕ 6, МОЛ Види 6, ПАОК 3
АЈНТРАХТ – МАРСЕЈ
САРПСБОРГ – БЕШИКТАШ
АПОЛОН – ЛАЦИО
ЧЕЛСИ – ПАОК
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.