Спорт
Јунајтед го комплетираа трансферот на Фред за 52.5 милиони фунти
Бразилскиот играч од среден ред, Фред стана четвртиот најскап фудбалер во историјата на Манчестер јунајтед, откако гигантот од „Олд Трафорд“ плати 52.5 милиони фунти на Шахтјор Доњецк по пет години во украинскиот клуб.
Бразилецот потпиша петгодишен дог…
Бразилскиот играч од среден ред, Фред стана четвртиот најскап фудбалер во историјата на Манчестер јунајтед, откако гигантот од „Олд Трафорд“ плати 52.5 милиони фунти на Шахтјор Доњецк по пет години во украинскиот клуб.
Бразилецот потпиша петгодишен договор со Јунајтед со опција за уште 12 месеци, и сега е второто засилување на премиерлигашот по Португалецот Диого Далот од Порто. Интересно, Фред беше „мета“ на градските ривали Манчестер сити, но тие не се договорија во јануари.
Фред, кој има осум настапи за браилската репрезентација и е во составот за Русија 2018, ги поминал медицинските тестови уште пред стартот на шампионатот.
„Фред ќе биде засилување на средниот ред, кое ни е потребно. Со неговата креативност ќе добиеме поинаква димензија во играта“, изјави менаџерот Жозе Мурињо.
Бразилецот беше презадоволен од трансферот.
„Ова е најголемиот клуб на светот и пресреќен сум што конечно сум член. Да се работи со Жозе Мурињо, еден од најтрофејните тренери на денешницата е шанса која не се пропушташе. Им благодарам на сите во Шатхјор кои направија многу за мене последните пет години“, изјави Фред.
Ladies and gentlemen: we have an announcement to make…#BemVindoFred #MUFC pic.twitter.com/XG4suufEMu
— Manchester United (@ManUtd) June 21, 2018
Samba, skills, smile. ?#BemVindoFred #MUFC pic.twitter.com/hZmR7Xb4nP
— Manchester United (@ManUtd) June 21, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.
Спорт
Покетино: Лукаку е играч на Челси
Ромелу Лукаку, во целост ја оживеа кариерата во Рома. Клубот има можност да го откупи неговиот договор, но прашање е дали има пари да вложи во трансферот на Белгиецот.
Лукаку не успеа да се наметне во Челси, самиот побара да замине, а неколку пати изјави дека нема намера да се враќа во Лондон. Минатата сезона ја мина во Интер, а оваа е во Рома.
За статусот на курпулентниот Белгиец проговори и тренерот на сините, Маурисио Покетино.
„Тој е играч на Челзи, па ќе обрнеме внимание на него. Ваков став во овој момент има клубот, но се уште немаме донесено никаква одлука“, изјави Покетино.
Лукаку оваа сезона постигна 18 гола на 41 натпревар за Рома во сите натпреварувања.