Спорт
Јунајтед им платиле на Монако 4 милиони евра за „измислена“ пријателска
Манчестер јунајтед и Монако се најдоа на „листата за отстрел“ на веб-сајтот „Фудбал ликс“, кои објавија податоци кои сигурно ги прекршуваат правилата на ФИФА и УЕФА.
Откако прво објавија податоци за финансиските „малверзации“ на Пари Сен-Жермен и Манче…
Манчестер јунајтед и Монако се најдоа на „листата за отстрел“ на веб-сајтот „Фудбал ликс“, кои објавија податоци кои сигурно ги прекршуваат правилата на ФИФА и УЕФА.
Откако прво објавија податоци за финансиските „малверзации“ на Пари Сен-Жермен и Манчестер сити, „Фудбал ликс“ објавија дека Челси прекршиле многу правила за ангажирање на млади фудбалери со потписот со Андреас Кристенсен за што им се заканува забрана за трансфери во три-четири трансфер периоди.
Сега, според документите објавени од „Медиапарт“ на „тапет“ е користењето на Монако со таканаречени „тајни договори“, какви што имаат со Ерик Абидал, Рикардо Карваљо и Жереми Тулалан. Поранешниот фудбалер на Манчестер јунајтед, Радамел Фалкао, исто така е споменат и тоа во една неверојатна приказна.
Колумбиецот потпиша за Монако од Атлетико Мадрид за 53 милиони евра, но Атлетико доби две „транши“ од 43 и 10 милиони евра за да се избегнат правилата за плаќање на стариот колумбиски тим на Фалкао. По ова, Фалкао беше позајмен на Манчестер јунајтед во 2014/15, со договор од 6 милиони евра и дополнителни 4 милиони евра ако „ѓаволите“ бидат четврти таа сезона.
Но, според правилата во Франција, бонусите за перформанси се нелегални, така што двата тима ги „заобиколиле“ правилата со тоа што потпишале договор со кој ако Јунајтед завршат во топ 4, двата клуба ќе играат пријателски меч, кој Јунајтед ќе го плати 4 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ поради закани одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.