Спорт
Јунајтед се врати во стил на Солскјер, Њукасл со „шок“ за шампионот (видео)
Оле Гунар Солскјер стартуваше со осум победи во низа на клупата на Манчестер јунајтед, но таа низа беше прекината од малиот сосед Барнли, откако во драматична завршница, „ѓаволите“ извлекоа 2:2 реми во стилот на нивниот тренер, кој имаше афинитет за голови во последните минути.
Пеп Гвардиола и надежите на Манчестер сити за одбрана на титулата доживеаја голем удар по 2:1 поразот на гостувањето кај Њукасл.
Ешли Барнс го казни непромисленото играње во одбраната на Јунајтед во 57. минута, пред Крис Вуд во 81. минута со удар со глава по убавото нафрлање да донесе 0:2 водство. Јунајтед имаше 83 отсто од поседот на топката, но за гол требаше да биде досуден пенал во 87. минута, кој Пол Погба го смести во мрежата. „Кожата“ на Јунајтед беше спасена од дефанзивецот Виктор Линделоф во 92. минута од мечот, кој најдобро се снајде во хаотичната ситуација пред голот на Барнли.
На „Сент Џејмс Парк“ пак, Манчестер сити стигна до водство по само 22 секунди игра преку Серхио Агуеро, но потоа следуваше „студен туш“ за шампионот. Рондон во 66. минута успеа да израмни за тимот на Рафа Бенитез, пред Ричи од пенал во 80. минута да го „реши“ фаворитот.
Со овој пораз Сити останува втор со 56 поени, но дозволува утре Ливерпул со победа над Лестер сити да стигне до неверојатни 9 поени предност по 24 кола.
Најинтересно, сепак, во вторникот беше на „Крејвен котиџ“, каде што Фулам се врати од 0:2 негатива за победа од 4:2 над Брајтон!
ПРЕМИЕР ЛИГА, 24. КОЛО
Арсенал – Кардиф 2:1
Фулам – Брајтон 4:2
Хадерсфилд – Евертон 0:1
Вулверхемптон – Вест хем 3:0
Манчестер јунајтед – Барнли 2:2
Њукасл – Манчестер сити 2:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гигантите од Евролигата се против влезот на Дубаи
Според сознанијата на шпанскиот кошаркарски портал „Енцестандо“, неколку гиганти од Евролигата се против идејата Дубаи да се приклучи во елитното натпреварување.
Иако пред неколку месеци беше претставено дека Дубаи дефинитивно ќе биде дел од европското натпреварување, може да дојде до пресврт.
Парите кои тимот би ги донел во Евролигата засега не се доволна причина.
„Енцестандо“ пренесува дека Реал е предводник на клубовите кои се противат на влезот на Дубаи цели седум години.
Наводно на страната на Реал застанале и Фенербахче и Баерн кои не сметаат дека парите треба да бидат пресуден фактор.
Еден од проблемите што би можел да го донесе Дубаи е нарушувањето на пазарот на играчи, бидејќи може да понуди многу повисоки плати од оние што моментално се во Европа.
Таму не се плаќаат даноци, па би било многу полесно да се ангажираат играчи отколку во другите европски земји.
„Енцестандо“ пренесува дека Дубаи наводно веќе им понудил договори на некои од играчите на најдобрите европски тимови со избраниот тренер Светислав Пешиќ.
Шпанците пишуваат и дека датумот кога ќе се гласа за влез на Дубаи се уште не е ни блиску.
Првобитното гласање требаше да се одржи во средината на март, а потоа беше одложено.
Во меѓувреме Дубаи е примен во АБА-лигата и примарната идеја е следната година прво да игра во Еврокупот, па дури потоа да дојде за прием во Евролигата.
Спорт
(Видео) Братот на Никола Јокиќ удрил навивач
Братот на Никола Јокиќ, Страхиња влегол во конфликт со навивач по мечот меѓу Денвер и ЛА Лејкерс.
Нагетс поведоа со 2-0 во серијата, благодарение на кошот, кој со звукот насирената го постигна Џамал Мареј (101:99), но едено видео кое се појави по натпреварот ја шокираше јавноста.
На снимката се гледа како братот на Никола, Страхиња слегува и удира навивач.
На трибините беа и вториот брат на кошаркарот на Денвер, Немања и неговата сопругата Наталија и ќерката Огњена.
Следниот натпревар помеѓу Лејкерс и Нагетс е закажан во Лос Анџелес во петок од 4 часот.
The Jokic bros fighting fans last night 😳
(Via cgallegos67 / h/t @ClutchPoints )
— NBACentral (@TheDunkCentral) April 23, 2024
Спорт
Тројцата исклучени во дербито ги дознаа казните
Дисциплинскиот судија во Серија А експресно ги одреди казните за играчите кои синоќа беа исклучени на натпреварот помеѓу Милан и Интер во 33. коло од Серија А. Интер славеше со 2.1 и ја обезбеди титулата на пет кола до крајот на сезоната.
Капитенот на Милан, Давиде Калабрија, доби црвен картон во 97.минута, откако го удри без топка Давиде Фратези. Тој е суспендиран на два натпревари.
Во петтата минута од судиското надополнување дојде до тепачка помеѓу играчот на Милан, Тео Ернандез и играчот на Интер, Дензел Дамфрис, по што и двајцата добија црвени картони. Тие ќе пропуштат еден натпревар.
Дисциплинскиот судија им изрече и парични казни од по 10.000 евра.