Спорт
Џаро: Каде што има Срби и Хрвати таму најмногу се местат натпревари
Уште пред десет години говорев дека во Белгија најмногу се местат натпревари. Уште стојам зад таа своја изјава, изјавил за хрватскиот портал „24sata.hr“, Велибор Џаровски, по повод големиот скандал кој вчера го стресе белгискиот фудбал.
Акцијата „Чиста…
Уште пред десет години говорев дека во Белгија најмногу се местат натпревари. Уште стојам зад таа своја изјава, изјавил за хрватскиот портал „24sata.hr“, Велибор Џаровски, по повод големиот скандал кој вчера го стресе белгискиот фудбал.
Акцијата „Чиста рака“, што вчера ја спроведе белгиската полиција, во соработка со колегите од уште неколку европски држави, резултираше со апсење на неколку познати фудбалски имиња во оваа земја.
Меѓу уапсените е и тренерот на шампионот Клуб Бриж, Хрватот Иван Леко. Покрај него приведени се српскиот менаџер Дејан Вељковиќ, менаџерот со иранско потекло Моџи Баја, поранешниот тренер на Андерлехт Херман ван Холсбек и судиите Себастиен Делферир и Барт Вертенен.
Според белгиските медиуми главен во операцијата бил Бајат. Полицијата ги истражувала неговите банкарски трансакции бидејќи се сомнеаваат дека преку него ги переле парите.
Полициската акција „Чиста рака“, се води во сите поголеми клубови во Белгија. Полицијата вршела претрес во Андерлехт, Клуб Бриж, Генк, Гент, а под истрага биле уште 10 клуба.
„Во Белгија се масти најмногу во цела Европа, бидејќи таму имаше најмногу фудбалери од државите што настанаа со распадот на Југославија. Тоа го говорев уште пред десет години. Никаде не се мести толку, како што тоа се прави во Белгија. Кога Стандард изгуби од Варегем „умреа“ сите обложуваќи во Европа“, изјавил популарниот Џаро, кој воопшто не е изненаден што меѓу уапсените има Србин и Хрват.
„Таму каде што има Срби и Хрвати има и местење. И јас сум работел и местел со Хрвати и ќе го правам тоа и во иднина. Белгиската полиција ја прислушкува цела Европа. Таму имаат софистицирани методи против местење на натпревари, то значи ако ги издвоиле Иван Леко и Дејан Вељковиќ, тогаш сум сигурен дека тие двајца се вмешани во местењето на натпреварите“, рекол Џаровски.
Во големата полициска акција, низ цела Европа, биле претерсувани куќи во Франција, Кипар, Србија, Македонија…Според белгиските медиуми само во Белград и во Ниш биле запленети 800.000 евра. Во Белгија бил извршен претрес во 44 куќи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Дождот направи хаос, Норис пред Хамилтон и Алонсо на пол-позицијата за спринт-трката во Шангај
Ландо Норис најдобро се снајде во хаотичните услови во квалификациите за првата спринт трката оваа сезона во Формула 1, Големата награда на Кина.
Дождот им создаде големи проблеми на возачите, а во такви услови најдобар беше пилотот на Мекларен. Норис забележа време 1:57.940 минути, кое беше за 1,2 секунди подобро времето на Луис Хамилтон (Мерцедес) и 1,9 секунди побрзо од времето на Фернандо Алонсо (Астон Мартин).
Искуството на Хамилтон и Алонсо пресуди во борбата со пилотите на Ред Бул и Ферари кои возат подобри болиди.
Актуелниот светски првак, Макс Ферстапен спринтот в Шангај ќе го започне од четвртото место, зад него се Карлос Саинц (Ферари), Серхио Перез (Ред Бул), Шарл Леклер (Ферари), Оскар Пјастри (Мекларен), Валтери Ботаси и Жу од Заубер.
Спринт трката во пресрет на Големата награда на Кина, утре се вози во 5 часот по македонско време. Квалификациите за главната трка ќе се одржат четири часа подоцна. Големата награда на Кина започнува во недела во 9 часот.
Спорт
„Им посакувам сѐ најдобро на моите браќа на Олимпијадата, јас не сум доволно добар“
Кошаркарот на Далас Кајри Ирвинг не се најде на списокот на репрезентацијата на САД за претстојните Олимписки игри во Париз.
Плејмејкерот на Маверикс изјави дека не е изненаден што не е меѓу 12-те избрани за олимпискиот турнир.
Ирвинг, освои злато со тимот на САД на Олимпијадата во 2016 година во Рио де Жанеиро.
„Им посакувам се најдобро на моите браќа. Едноставно не бев доволно добар за овој тим“, рече Ирвинг.
„Процесот на изборот беше тежок. Но, повторно, немам ништо друго освен почит кон овие момци. Во овој момент од мојата кариера, мислам дека мојот фокус треба да биде на освојување на шампионатот“, додаде бекот на Далас.
Тимот на Стив Кер во Париз го сочинуваат Леброн Џејмс, Девин Букер, Џејсон Тејтум, Кави Ленард, Џоел Ембид, Тајрис Халибартон, Џру Холидеј, Бем Адебајо, Стеф Кари, Ентони Дејвис, Ентони Едвардс и Кевин Дурент.
Спорт
Нема повеќе повторување на натпревари во ФА Купот
Фудбалската асоцијација на Англија (ФА), објави дека од следната сезона, во ФА купот нема да се преигруваат натпреварите кои ќе завршат без победник. Правилото, старо колку и самото натпреварување, од следната сезона ќе важи само во квалификациите. за повторување ќе важи само во квалификациите.
Укинувањето на повторувањата е само еден од неколкуте чекори договорени од ФА и Премиер лигата во следните шест години.
Во иднина сите натпревари од ФА Купот ќе се играат за викенди, со исклучок на четвртото коло, во кое натпреварите ќе се играат од петок до среда. Во четвртото и петтото коло од ФА Купот нема да се играат натпревари од Премиер лигата.
Финалето на ФА Купот ќе се одигра во претпоследниот викенд од сезоната во Премиер лигата. Тој ден нема да се играат натпревари од Премиер лигата. Во петок, на ден пред финалето на ФА Купот, нема да има натпревари од Премиер лигата.
Промените во ФА Купот ќе донесат поинаков вид посветеност на Премиер лигата. Прво, Премиер лигата ќе обезбеди дополнителни 33 милиони фунти за фудбалот, покрај 100-те милиони фунти што досега ги плаќаше на крајот од секоја сезона.
Покрај тоа, Премиер лигата ги задржува сите претходни обврски – на секои три години Премиер лигата исплаќа 1,6 милијарди фунти за сите нивоа во машка и женска конкуренција за да помогне во развојот на фудбалот.
Одлучено е и Комјунити Шилд натпреварот за сезоната 2024/25 да се одигра во сабота на 10 август. Една недела подоцна ќе започне сезоната во Премиер лигата.