Спорт
Џовинаци најбрз во Унгарија, деби на новиот „нос“ за 2019 (галерија)
Младиот Италијанец Антонио Џовинаци беше за половина секунда побрз од официјалниот рекорд на патеката Хунгароринг на Себастијан Фетел за да биде убедливо најдобар за Ферари на првиот ден од тестирањето во Хунгароринг.
Џовинаци имаше одличен ден зад вол…
Младиот Италијанец Антонио Џовинаци беше за половина секунда побрз од официјалниот рекорд на патеката Хунгароринг на Себастијан Фетел за да биде убедливо најдобар за Ферари на првиот ден од тестирањето во Хунгароринг.
Џовинаци имаше одличен ден зад воланот на СФ71Х, за да го подобри утринското најдобро време од 1:16.887, за на крајот да заврши со 1:15.648, подобро од 1:16.170 поставено од Фетел на третиот тренинг од минатонеделното Унгарско ГП.
Со ова време тој беше за 2.507 секунди подобар од Маркус Ериксон во Заубер, додека трет со 3.603 секунди послабо време беше Брендон Хартли во Торо росо.
Тестирањето во Унгарија исто така донесе еден новитет, болидите на Форс Индија и на Вилијамс беа опремени со новото предно крило за 2019 година. Од следната сезона во обид да се подобри претекнувањето, ФИА и Ф1 воведуваат поедноставено предно крило, од кое ќе бидат отстранети повеќе од елементите оваа година, а ќе биде и за 20 сантиметри пошироко.
#BudaTest sees the debut of the 2019-spec front wing, with Force India & Williams already on track and using it. What do you think? #F1 Images Copyright @octanephotos pic.twitter.com/JSau9qZfW5
— Thomas Maher (@thomasmaheronf1) July 31, 2018
A little treat for all our F1 tech friends out there. We’ve got an exclusive first pic of a frontwing in new 2019 dimensions!
AMuS story & gallery: https://t.co/fQ97xZoAee pic.twitter.com/NF6F64IjXg
— Tobi Grüner ? (@tgruener) July 30, 2018
@ForceIndiaF1 with 2019 spec front wing #F1 #F1Testing pic.twitter.com/yrrvfUMTvg
— Christian Menath (@MSM_Christian) July 31, 2018
И за споредба, крилото на Форс Индија оваа сезона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Поради Белингем ќе заврне дожд од милиони евра во Дортмунд“
Шпанските медиуми најавуваат огромен паричен бонус за Борусија Дортмунд поради настапите на Џуд Белингам оваа сезона.
Белингем блесна во својата прва сезона во Реал Мадрид, како најдобра стрелец го предводи тимот до титулата во Ла Лига и полуфиналето на Лигата на шампионите.
20-годишниот Англичанец минатото лето пристигна на „Сантијаго Бернабеу“ за 103 милиони евра, но трансферот може да се зголеми поради одредени бонуси.
„Ќе заврне дожд од милиони евра во Дортмунд“, пренесува весникот „АС“.
Наводно, преку дополнителни бонуси за постигнати голови, индивидуални и клупски трофеи, Борусија би можела да заработи уште 30 милиони евра.
Белингем постигна 17 гола со четири асистенции на 25 натпревари во Ла Лига. Во сите натпреварувања, Англичанецот постигна 21 гол на 36 натпревари со десет асистенции.
„АС“, наведува дека ова ја зголемува вкупната сума на трансферот, која може да се зголеми во зависност од минутите што ќе ги одигра Белингем до крајот на сезоната и можниот избор во идеалните тимови во Ла Лига и ЛШ.
Белингем, во понеделникот стана лауреат на Лауреус, добивајќи ја наградата за „Пробив на годината“.
„АС“, во својот текст посочува дека германскиот клуб исто како и мадриѓаните го слави секој негов настап, гол, асистенција…
Спорт
(Видео) Минесота го одбрани домашниот терен, брејк направија Далас и Индијана
Кошаркарите на Минесота повоедоа со 2-0 во серијата против Феникс, додека Далас и Индијана изедначија на 1-1 во сериите против ЛА Клиперс, односно Милвоки.
Минесота го одбрани домашниот терен против Феникс. По убедливата победа во првиот натпревар (120:95), во вториот Волците славеа со 105:93
Најефикасен во победничкиот тим беше Џејден МекДаниелс со 25 поени и осум скока, а го следеа Руди Гобер и Мајк Конли со по 18 и Ентони Едвардс со 15 поени.
Најефикасни кај Феникс беа Девин Букер со 20 и Кевин Дурент со 18 поени.
Лука Дончиќ го предводеше Далас до победата 96:93 во Лос Анџелес, над Клиперси.
Словенечкиот репрезентативец забележа 32 поени, шест скока и девет асистенции.
Двоцифрен учинок имаа Кајри Ирвинг со 23 поени и шест скока, Пи Џеј Вашингтон со 18 поени и шест скока, како и Дерик Џонс Јуниор со 10 поени и седум скока.
Кај Клиперси се истакна Џејмс Харден со 22 поени, шест скока и осум асистенции. Исто број на поени постигна Пол Џорџ.
Брејк направија и кошаркарите на Индијана, тие убедливо победија во Милвоки 125:108.
Пејсерси ги предводеше Паскал Сијакам со 37 поени (16/23 шут од поле, 3/4 за три), 11 скока и шест асистенции.
Во чекот го следеа Мајлс Тарнер со 22 поени, седум скока и шест асистенции, додека Тајрис Халибартон додаде 12 со исто толку асистенции.
Одличен беше и Ендрју Нембард со 20 поени, а Арон Несмит додаде 11 со седум асистенции и пет скока.
Во отсуство на Јанис Адетокумбо, Милвоки имаше само двајца расположени играчи, Демијан Лилард постигна 34, а Брук Лопез 22 поени.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.