Спорт
Видиќ: Бев дезоририентиран
Српскиот дефанзивец Немања Видиќ, кој непотребно и даде шанса на Германија да дојде до израмнување, изјави дека бил дезориентиран, кога го скривил пеналот.
Српскиот дефанзивец Немања Видиќ, кој непотребно и даде шанса на Германија да дојде до израмнување, изјави дека бил дезориентиран, кога го скривил пеналот.
„Тоа беше моја грешка, бев дезориентиран и топката ме погоди во раката. За среќа Стојковиќ фантастично го одбрани пеналот“, рече Видиќ.
Ѕвездата на Манчестер Јунајтед на шега вели дека со неговиот непромислен потег му пружил шанса на голманот Стојковиќ да се прослави.
„Ми олесни кога го одбрани пеналот. По натпреварот му реков дека сум му голем должник и го запрашав што да му купам. Но, сега кога ќе размислам, тој всушност на мене треба да ми купи нешто, бидејќи стана херој. Погледнете какво внимание доби“, рече Видиќ.
Голманот на српската репрезентација, кој го одбрани пеналот на Лукаш Подолски, беше прогласен за играч на мечот од страна на ФИФА.
Ова беше втор последователен пенал против Србија на Светското првенство, кој е направен на идентичен начин, по голема невнимателност на одбранбен играчи.
Во два наврати, по нафлена топка од левата страна, српските играчи непромислено играа со рака во својот шеснаесетник.
На тој начин Србија загуби од Гана, но вчера им се насмевна среќата, бидејќи противникот не реализираше пенал.
Промашениот пенал на Подолски на мечот против Србија, претставува само втор нереализиран пенал за Германија во историјата на Светските првенства.
За Германија, која единствено не настапила на СП во 1930 и 1958 година, досудени се 12 пенали, а досега единствено Ули Хенес промашил во 1974 година.
Германците на Мундијалите вкупно четири пати шутирале пенали во нокаут фазата и сите четири пати поминувале во следниот круг.
Останува прашањето дали токму подолски требаше да го изведе пеналот, бидејќи претходно промаши неколку извонредни шанси за гол. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.
Спорт
Ивановиќ ќе добие отказ во Басконија
Кошаркарите на Басковнија, вечерва (20.30 часот) го играат решавачкио натпревар во Евролигата. Доколку го победат Виртус ќе играат во плеј-оф против Реал Мадрид.
Прашање е дали пласманот во плеј-офот може да ја спаси сезоната, бидејќи Басконија „виси“, кога е во прашање плеј-офот во домашното првенство. Во шпанското првенство се на прагот на плеј-офот.
Шпанските медиуми пишуваат дека Душко Ивановиќ би можел да ја напушти Басконија. Црногорскиот тренер го одработува четвртиот мандат во клубот. Пристигна во текот на сезоната од Црвена звезда.
Замена за Ивановиќ би требало да биде актуелниот тренер на Гран Канарија, Јака Лаковиќ, кој има клаузула во договоорт дека може да замине во тим што настапува во Евролигата.
Локалниот медиуми, „Ла Провинсија“ наведува дека Лаковиќ е првиот избор на баскискиот тим за следната сезона. Овој извор пишува дека Басконија ќе треба да плати одредена сума за да го нагажира Лаковиќ.
Лаковиќ лани со Гран Канарија го освои Еврокупот, претходно тој беше тренер на Улм.